ԵՐԵՎԱՆ, 6 հուլիսի – Sputnik. Բալիստիկ փորձաքննությունը պարզել է, որ Սյունիքի մարզպետ Սուրեն Խաչատրյանի մեքենայի վրա կրակել են «ԱԿ —74» տեսակի
5x 45 մմ տրամաչափի ինքնաձիգից, հայտնում է ազգային անվտանգության ծառայության մամուլի ծառայությունից։
Զենքը հայտնաբերվել էր գործով կասկածյալ Հենրիկ բնակարանի կից շինությունում:
ԱԱԾ տվյալների համաձայն, «Լեքսուս LX 570» ավտոմեքենայի գնդակոծման միջադեպը տեղի է ունեցել մայիսի 20–ին Կապան–Գորիս ավտոճանապարհի 30–րդ կիլոմետրում։ Մահափորձի վայրում հայտնաբերվել է 28 պարկուճ։
Հարուցվել է քրեական գործ հրազենի կիրառմամբ մահափորձի փաստով։ Ավելի վաղ ԱԱԾ–ն հայտնել էր Սյունիքի մարզպետի ավտոմեքենայի գնդակոծման չորս կասկածյալների բերման ենթարկելու մասին։
Ձերբակալվածներից երկուսը Կապանի բնակիչներ Գարեն Աթաջանյանը և Հենրիխ Ավագյանն են, մյուս երկուսը` Գորիսից Վիտալի Մինասյան և Արա Բուդաղյան։
Քննչական մարմինների միջնորդությամբ դատարանը որպես խափանման միջոց ընտրել է կալանքը։
Պարզվել է, թե ինչ զենքով են կրակել Սյունիքի մարզպետի մեքենային
Բաժանորդագրվել
Զենքը, որից, ենթադրաբար, կրակ է բացվել Սյունիքի մարզպետի մեքենայի ուղղությամբ, գտնվել է կասկածյալներից մեկի տան կցակառույցի զննության ժամանակ։
