ԵՐԵՎԱՆ, 18 հուլիսի– Sputnik. ՀՀ նախագահ Սերժ Սարգսյանը շաբաթ օրը մասնակցել է Երևանի կենտրոնում գտնվող DoubleTree-by-Hilton հինգ աստղանի հյուրանոցի բացմանը։
Սա Հայաստանում կառուցված աշխարհահռչակ Hilton WorldWide հյուրանոցային ցանցի առաջին օբյեկտն է։
Սարգսյանը շրջել է հյուրանոցային համալիրի տարածքում, ծանոթացել առաջարկվող ծառայությունների որակին։
Հյուրանոցի բացման արարողությանը ներկա էին նաև Երևանի քաղաքապետ Տարոն Մարգարյանը, «Ռենկո» շինարարական ընկերության գլխավոր տնօրեն Ջովանի Ռուբինին, բաժնետեր Ջովանի Գասպարինին։
DoubleTree-by-Hilton հյուրանոցում կատարված ընդհանուր ներդրումները, որի շինարարական աշխատանքներով զբաղվել է «Ռենկո» իտալական ընկերությունը, կազմել են շուրջ 35 մլն դոլար։ Հյուրանոցում գործում է 176 համար, սրճարան–բարեր և ռեստորաններ, կոնֆերանսի համար նախատեսված սրահներ, ֆիտնես կենտրոն։
Նախագահ Սարգսյանը մասնակցել է Երևանում Hilton ցանցի հյուրանոցի բացմանը
Բաժանորդագրվել
ՀՀ նախագահը շրջել է Երևանում կառուցված Double Tree-by-Hilton նոր հյուրանոցի տարածքում
