ԵՐԵՎԱՆ, 2 ապրիլի — Sputnik. Հադրութցի կինը հայտնել է նաև, որ Հադրութը չի հրթիռակոծվել:
«Որովհետև մեր սահմանապահները մեզ պաշտպանում են»,- հավելել է նա:
Կինն ասել է, որ Հադրութում խուճապային տրամադրություններ չկան: «Մենք արդեն սովորել ենք ադրբեջանցիների ոտնձգություններին»:
Հադրութցի տղամարդիկ վաղ առավոտյան գնացել են դիրքեր՝ աջակցելու ադրբեջանական հարձակումներին դիմակայող հայ զինվորներին: Իսկ կանայք տանը նստած սպասում են իրենց ամուսիններին ու որդիներին՝ հույսով, որ ամեն ինչ լավ է լինելու, և որ հայ դիրքապահները կանեն անհրաժեշտ ամեն ինչ՝ Ադրբեջանի ոտնձգություններին արժանի հակահարված տալու համար:
