ԵՐԵՎԱՆ, 4 հուլիսի — Sputnik. Մարմնամարզիկ Արթուր Դավթյանի համար Ռիո դե Ժանեյրոյի Օլիմպիական խաղերը երկրորդն են: Դավթյանը Եվրոպայի 2013 թվականի առաջնության բրոնզե և 2016 թվականի առաջնության արծաթե մեդալակիր է (հենացատկ)։ Մարզիկի հետ հարցազրույցը ներկայացնում է Հայաստանի ազգային օլիմպիական կոմիտեն։
-Խաղերին ի՞նչ թալիսման ես հետդ տանելու:
— Որպես այդպիսին՝ թալիսման չունեմ: Ելույթներից առաջ աղոթում եմ:
-Ու՞մ կուզեիր կողքիդ կամ հանդիսատեսի շարքում տեսնել:
— Հորս:
-Ո՞ւմ հետ ես առաջինը կիսելու հաջողությունդ:
— Ծնողներիս:
-Նկարագրիր Օլիմպիական խաղերը երեք բառով:
— Ուժ, հավատ, հաղթանակ:
-Ինչպե՞ս կուզես, որ հիշվեն այս Օլիմպիական խաղերը:
— Հաղթանակով:
