ԵՐԵՎԱՆ, 2 օգոստոսի — Sputnik. Բաղրամյան պողոտայում ինքնահրկիզման փորձ կատարած Քաջիկ Գրիգորյանը քիչ առաջ մահացավ։ Այս մասին Sputnik Արմենիային հայտնեցին Ճառագայթային բժշկության և այրվածքների հանրապետական գիտական կենտրոնից։
«Նա հիվանդանոցային բուժում ստացավ երեք օր։ 58 տարեկան Գրիգորյանը 80 տոկոս այրվածք էր ստացել»,- նշեցին կենտրոնից։
Հիշեցնենք, որ հուլիսի 30-ի, լույս 31-ի գիշերը Ազատության հրապարակում մեկնարկած հանրահավաքից հետո Բաղրամյան փողոց հասած ցուցարարներից մեկն ինքնահրկիզման փորձ արեց, տղամարդուն արագ տեղափոխեցին հիվանդանոց:
Ճառագայթային բժշկության և այրվածքների հանրապետական գիտական կենտրոնից ավելի վաղ հայտնել էին, որ այրվածքներն անհամատեղելի են կյանքի հետ:
