ԵՐԵՎԱՆ, 6 օգոստոսի — Sputnik. Հուլիսի 29-ին Սարի թաղում տեղի ունեցած դեպքերի առթիվ հարուցված քրեական գործով որպես մեղադրյալ ներգրավվել է ութ քաղաքացի։
29 հուլիսի 2016, 22:59
Նրանցից երեքին մեղադրանք է առաջադրվել բռնությամբ, ջարդերով, հրկիզումներով, գույք ոչնչացնելով կամ վնասելով, հրազեն, պայթուցիկ նյութեր կամ պայթուցիկ սարքեր գործադրելով, իշխանության ներկայացուցչին զինված դիմադրություն ցույց տալով ուղեկցվող զանգվածային անկարգություններ կազմակերպելու համար:
Այդ հաղորդագրությունը տարածած քննչական կոմիտեն, սակայն, չի բացահայտում այդ անձանց ինքնությունը:
Կոմիտեն նաև տեղեկացնում է, որ քրեական գործի նախաքննությունը շարունակվում է, կատարվում են քննչական և դատավարական գործողություններ՝ բոլոր հանգամանքները պարզելու ուղղությամբ:
