Հրապարակվել է ֆուտբոլի Հայաստանի ազգային հավաքականի ընդլայնված կազմը

ԵՐԵՎԱՆ, 20 օգոստոսի — Sputnik. Ֆուտբոլի Հայաստանի հավաքականի առաջիկա երկու խաղերից առաջ գլխավոր մարզիչ Վարուժան Սուքիասյանը հրապարակել է Հայաստանի ազգային հավաքականի ընդլայնված կազմը, հայտնում է Հայաստանի ֆուտբոլի ֆեդերացիան։

Օգոստոսի 31-ին՝ ժամը 21:15-ին, Հայաստանի ազգային հավաքականը Չեխիայի Մլադա Բոլեսլավ քաղաքի «Մեստսկի ստադիոն» մարզադաշտում ընկերական հանդիպում կանցկացնի Չեխիայի ազգային հավաքականի հետ, իսկ սեպտեմբերի 4-ին՝ ժամը 20:00-ին, Կոպենհագենի «Պարկեն» մարզադաշտում տեղի կունենա Աշխարհի 2018 թ. առաջնության ընտրական փուլի Դանիա-Հայաստան հանդիպումը:

Պատրաստվելով այդ հանդիպումներին՝ Հայաստանի ազգային հավաքականն օգոստոսի 28-ից 29-ը մարզական հավաք կանցկացնի ՀՖՖ Տեխնիկական կենտրոնում՝ Ֆուտբոլի ակադեմիայում:

Հայաստանի ազգային հավաքականի ընդլայնված կազմում ընդգրկված է 26 ֆուտբոլիստ: Նրանցից երկու հանդիպումներին մասնակցելու համար կընտրվեն 23-ը։ Ընդլայնված կազմում ընդգրկված են.

Դարպասապահներ

Արսեն Բեգլարյան, «Ալաշկերտ»
Անատոլի Այվազով, «Շիրակ»
Գոռ Մանուկյան, «Փյունիկ»

Պաշտպաններ

Գաել Անդոնյան, «Օլիմպիկ» Մարսել (Ֆրանսիա)
Հովհաննես Համբարձումյան, «Վարդար» (ՆՀՀ Մակեդոնիա)
Վարազդատ Հարոյան, «Փադիդե», Իրան
Տարոն Ոսկանյան, «Կարմիոտիսա», Կիպրոս
Լևոն Հայրապետյան, «Փայքան», Իրան
Հրայր Մկոյան, «Էսթեղլալ», Իրան
Արտակ Եդիգարյան «Ալաշկերտ»
Գևորգ Հովհաննիսյան «Շիրակ»

Կիսապաշտպաններ

Հենրիխ Մխիթարյան, «Մանչեսթեր Յունայթեդ» (Անգլիա)
Մարկոս Պիզզելլի, «Ալ Ֆուջեյրա» (ԱՄԷ)
Արաս Օզբիլիս, «Բեշիքթաշ» (Թուրքիա)
Գոռ Մալաքյան, «Ստալ» (Ուկրաինա)
Կառլեն Մկրտչյան, «Անժի» (Ռուսաստան)
Դավիթ Մանոյան, «Կարմիոտիսա» (Կիպրոս)
Գևորգ Ղազարյան, «Մարիտիմու» (Պորտուգալիա)
Զավեն Բադոյան, «Բանանց»
Դավիթ Հակոբյան, «Շիրակ»
Պետրոս Ավետիսյան, «Փյունիկ»

Հարձակվողներ

Արթուր Սարկիսով, «Մորդովիա» (Ռուսաստան)
Գեղամ Կադիմյան, «Կարպատներ» (Ուկրաինա)
Դավիթ Արշակյան, «Չիկագո Ֆայր» (ԱՄՆ)
Ռուսլան Կորյան, «ԲՄԱ-Խաբարովսկ» (Ռուսաստան)
Վարդան Պողոսյան, «Փյունիկ»

Օգոստոսի 30-ի առավոտյան ՀՖՖ ֆուտբոլային պատվիրակությունը և Հայաստանի ազգային հավաքականը չարտերային ուղերթով կմեկնեն Չեխիայի մայրաքաղաք Պրագա: Հավաքականի՝ արտերկրում հանդես եկող ֆուտբոլիստների մեծամասնությունն ազգային թիմին կմիանա արդեն Չեխիայում: