ԵՐԵՎԱՆ, 17 սեպտեմբերի – Sputnik. Տնտեսական ազատության ինդեքսում, որը հրապարակել է Ֆրեյզերի ինստիտուտը 2016թ-ին, Հայաստանը զբաղեցնում է 18-րդ հորիզոնականը:
Ընթացիկ տարվա զեկույցում ներկայացված է 2014թ-ի պատկերը՝ վերջին տարին, որի մասին պաշտոնական տվյալներ կան աշխարհի բոլոր երկրներից:
Այդ ինդեքսի համաձայն, Հայաստանը գտնվում է 18-րդ հորիզոնականում՝ Մալթայի և Էստոնիայի միջև: Ընթացիկ տարում վարկանիշի առաջին տեղերը զբաղեցնում են Հոնկոնգը, Սինգապուրը, Նոր Զելանդիան, Շվեյցարիան:
Վրաստանը տարածաշրջանում առաջատար է՝ զբաղեցնում է 5-րդ տեղը, Թուրքիան 90-րդն է, Ռուսաստանը՝ 102, Ադրբեջանը՝ 107, Իրանը՝ 150:
Ֆրեյզերի ինստիտուտի հաշվետվության համաձայն, տնտեսության ազատության անկյունաքարն ընտրության ազատությունն է, շուկա մուտք գործելու ազատությունը և մրցակցությունը, ինչպես նաև մարդու և մասնավոր սեփականության անվտանգությունը:
