ԵՐԵՎԱՆ, 16 նոյեմբերի — Sputnik. Հայաստանի պաշտպանության նախարար Վիգեն Սարգսյանն այսօր լրատվամիջոցների ղեկավարների հետ հանդիպման ժամանակ, որին ներկա է եղել նաև Sputnik Արմենիայի գլխավոր խմբագիր Ալինա Օրդյանը, հայտնել է, որ մտադիր է համալրել ՀՀԿ-ի շարքերը։
Ըստ նախարարի` անկախ նրանից, որ երկար տարիներ անկուսակցական է եղել, առաջիկայում դիմելու է ՀՀԿ ընդունվելու խնդրանքով:
Սարգսյանը նաև նշել է, որ կուսակցություն մտնելու որոշումը կապված է նաև երկրում սահմանադրական փոփոխությունների հետ (Հայաստանում 2015 թվականի դեկտեմբերի 6-ին անցկացվեց կառավարման համակարգի փոփոխման հանրաքվե), որոնք թույլ չեն տալիս հեռու մնալ կուսակցական գործունեությունից։
Վիգեն Սարգսյանը ՀՀ պաշտպանության նախարար է նշանակվել այս տարվա հոկտեմբերի սկզբին։ Ավելի վաղ նա եղել է ՀՀ նախագահի աշխատակազմի ղեկավարը։
