ԵՐԵՎԱՆ, 3 դեկտեմբերի — Sputnik. Պորտուգալիայի առաջնության 12-րդ տուրում «Մարիտիմուն» ընդունեց «Բենֆիկային»: Հանդիպումն ավարտվեց տանտերերի հաղթանակով՝ 2:1: Այս մասին հայտնում է armsport.am-ը:
Հանդիպմանը մասնակցեց Հայաստանի ազգային հավաքականի կիսապաշտպան Գևորգ Ղազարյանը, որը 5-րդ րոպեին բացեց խաղի հաշիվը:
Այս խաղից հետո «Մարիտիմուն» 17 միավորով զբաղեցնում է Պորտուգալիայի առաջնության աղյուսակի 6-րդ հորիզոնականը:
«Բենֆիկան», չնայած պարտությանը, 29 միավորով գլխավորում է մրցաշարային աղյուսակը:
Հիշեցնենք, որ Հայաստանի ազգային հավաքականի և պորտուգալական «Մարիտիմուի» կիսապաշտպան Գևորգ Ղազարյանը հիանալի խաղ ցուցադրեց Հայաստան-Չեռնոգորիա հանդիպման ժամանակ, որն անցկացվում էր աշխարհի 2018թ. առաջնության ընտրական փուլի հերթական տուրում: Պարզ երևաց, որ ֆուտբոլիստը շատ լավ մարզավիճակում է ու, հայտնվելով հարձակման տարբեր դիրքերում, անընդհատ փորձում էր հեռվից անակնկալի բերել Չեռնոգորիայի դարպասապահ Բոժովիչին: Վերջում դա անակնկալ էր, ընդ որում՝ ոչ միայն դարպասապահի համար: Այդ խաղն ավարտվեց հայերի հաղթանակով (3:2):
