ԵՐԵՎԱՆ, 4 դեկտեմբերի — Sputnik. Հանրապետության տարածքում դեկտեմբերի 7-9-ը սպասվում է առանց տեղումների եղանակ: Դեկտեմբերի 5-ին, 6-ի գիշերը շրջանների մեծ մասում, 6-ի ցերեկը հարավային շրջաններում սպասվում են տեղումներ, լեռնային և նախալեռնային շրջաններում‵ ձյուն: Այս մասին նշված է ԱԻՆ-ի հաղորդագրության մեջ:
Քամին կլինի հարավ-արևմտյան՝ 3-8մ/վրկ արագությամբ: Դեկտեմբերի 5-ին առանձին շրջաններում սպասվում է քամու ուժգնացում՝ 20-25 մ/վրկ:
«Օդի ջերմաստիճանը 5-6-ի ցերեկը կնվազի 4-6 աստիճանով»,- նշված է հաղորդագրության մեջ:
Երևանում դեկտեմբերի 6-ի ցերեկը, 7-9-ը սպասվում է առանց տեղումների եղանակ, 5-ին, 6-ի գիշերը ժամանակ առ ժամանակ սպասվում են տեղումներ, բարձրադիր վայրերում‵ թաց ձյուն, ցածրադիր գոտիներում՝ ձնախառն անձրև:
Դեկտեմբերի 5-ին օդի ջերմաստիճանը կկազմի 2-4 աստիճան տաքություն (ցերեկային ժամերին), 6-9-ը՝ 0-2 աստիճան տաքություն:
Դեկտեմբերի 8-ի, լույս 9-ի գիշերը մայրաքաղաքում —8-ից —10 աստիճան է լինելու:
