ԵՐԵՎԱՆ, 22 դեկտեմբերի — Sputnik. Հիմնավորման համաձայն՝ Մատենադարանում պահվում են հարյուրավոր բացառիկ ձեռագրեր ու հազվագյուտ արխիվային փաստաթղթեր, որոնք գրվել են Արցախում և ներկայացնում-լուսաբանում են Արցախի հոգևոր մշակույթն ու նրա պատմական ժառանգությունը։
Այդ արժեքների ուսումնասիրության խթանման նպատակով Գանձասարի վանական համալիրին կից, «Փյունիկ» համահայկական հիմնադրամի ներդրումների շնորհիվ վերակերտված կառույցում 2015թ. նոյեմբերի 21-ին բացվել է պատմական Հայաստանի Արցախ և այլ նահանգներում գրված 100-ից ավելի ձեռագիր մատյանի, Արցախի պատմությանն առնչվող հազվագյուտ բնագրերի ու ընդօրինակությունների, վավերագրերի, հնատիպ գրքերի ցուցադրություն։
Ցուցադրության կարևոր մասն են կազմում Գանձասարի վանական համալիրում գրված ձեռագրերն ու վավերագրերը։
Մասնաճյուղը գործելու է «Գանձասար» վանական համալիրի նախկին դպրատան տարածքում՝ ԼՂՀ օրենսդրությանը համապատասխան:
