ԵՐԵՎԱՆ, 25 դեկտեմբերի — Sputnik. «Նիցայի» հարձակվող Մարիո Բալոտելին կարծում է, որ թեթև քաշային կարգում UFC գոտու հաղթող Քոնոր Մաքգրեգորն իսկական չեմպիոն դառնալու համար պետք է հաղթի հայազգի իտալացի քիքբռնցքամարտիկ Գևորգ Պետրոսյանին, գրում է championat.com-ը:
«Քոնոր, դու հիանալի մարզիկ ես, բայց չեմպիոնների չեմպիոն դառնալու համար պետք է հաղթես իսկական չեմպիոնին՝ Գևորգ Պետրոսյանին: Հաջողություն և մի վախեցիր: Տղաներ, դուք ուզում եք, չէ՞, որ այս մենամարտը կայանա»,- գրել է Բալոտելին Instagram-ի իր էջում:
Անվանի հայ քիքբռնցքամարտիկ Գևորգ Պետրոսյանը սպորտ է վերադարձել 2015թ-ին՝ երկարատև ընդմիջումից հետո: 2015թ-ին Տորինոյում Boxe Mania մրցաշարի շրջանակում նա վստահ հաղթանակ է տարել Թուրքիայի չեմպիոն Էրքան Վարոլի նկատմամբ:
Նյութի ռուսերեն տարբերակը
