ԵՐԵՎԱՆ, 30 դեկտեմբերի — Sputnik. ՀՀ ՊՆ մամուլի քարտուղար ԱՐծրուն Հովհաննիսյանը Ֆեյսբուք սոցիալական ցանցում գրառում է կատարել ադրբեջանական կողմի զոհեր վերաբերյալ։
«Ադրբեջանական ԶՈւ-ն կորցրեց ևս մեկ զինծառայող»,- գրել է Հովհաննիսյանը։
Ավելի վաղ ՀՀ ՊՆ-ն հայտնել էր, որ դեկտեմբերի 29-ին տեղի ունեցած մարտական գործողությունների արդյունքում հակառակորդը կրել է մինչև 7 զինծառայողի կորուստ:
Այդուհանդերձ ադրբեջանական կողմը պաշտոնապես հերքում է սեփական զոհերի մասին լուրերը՝ նշելով ընդամենը մեկ անհայտ կորածի մասին:
«Ինչպես միշտ՝ ադրբեջանական կողմը սեփական հանրությունից թաքցնում է իր արկածախնդիր, անգամ մարտավարական նշանակություն չունեցող գործողությունների ձախողումները: Առավել քան վստահ ենք, որ առաջիկա օրերին, հակառակորդը ստիպված կլինի պաշտոնապես ընդունել իր կորուստները, նրանց մահը քողարկելով միգուցե անգամ տարբեր տեխնածին և առողջական խնդիրներով»,- նշված էր ՊՆ-ի հայտարարության մեջ:
