https://arm.sputniknews.ru/20240423/brnutjan-cankacats-drsevvorum-anynduneli-e--mip-y-khumb-e-ugharkel-tavush-74899030.html
Բռնության ցանկացած դրսևորում անընդունելի է. ՄԻՊ-ը խումբ է ուղարկել Տավուշ
Բռնության ցանկացած դրսևորում անընդունելի է. ՄԻՊ-ը խումբ է ուղարկել Տավուշ
Sputnik Արմենիա
Պաշտպանը բողոքի ակցիայի մասնակիցներին, ոստիկանությանը և հավաքի անցկացման վայրում գտնվող բոլոր անձանց հորդորում է զսպվածություն ցուցաբերել։ 23.04.2024, Sputnik Արմենիա
2024-04-23T18:37+0400
2024-04-23T18:37+0400
2024-04-23T18:42+0400
հայաստան
տավուշ
մարդու իրավունքների պաշտպան (միպ)
ավտոմեքենա
https://cdn.am.sputniknews.ru/img/07e7/0a/12/67444258_0:0:1281:721_1920x0_80_0_0_2b8a63167ff0a9c5093a6566fac83333.jpg
ԵՐԵՎԱՆ, 23 ապրիլի – Sputnik. ՀՀ մարդու իրավունքների պաշտպան Անահիտ Մանասյանի հանձնարարությամբ աշխատանքային խումբ է մեկնել Տավուշի մարզ այնտեղ տեղի ունեցած միջադեպերի առնչությամբ։ Տեղեկությունը հայտնում է ՄԻՊ գրասենյակը։Ըստ հաղորդագրության` ՄԻՊ-ն արձագանքել է սոցիալական հարթակներում, ԶԼՄ-ներում տարածված տեղեկությանը, ըստ որի՝ հավաքի ժամանակ ավտոմեքենան փորձել է մխրճվել բազմության մեջ, ինչի հետևանքով բնակիչներից մեկը վնասվածք է ստացել։Բացի այդ, պաշտպանի աշխատակազմը նաև տեղեկություններ է ստացել, որ խուլիգանություն կատարելու կասկածանքով ձերբակալվել ու ոստիկանության Նոյեմբերյանի և Թումանյանի բաժիններ են տեղափոխվել մի խումբ անձինք: Արագ արձագանքման խումբ է մեկնել բաժիններ՝ ազատությունից զրկված անձանց տեսակցելու և նրանց իրավունքների ապահովման վիճակին տեղում ծանոթանալու նպատակով:Մարդու իրավունքների պաշտպանը ևս մեկ անգամ ընդգծում է, որ բռնության ցանկացած դրսևորում խիստ անընդունելի և դատապարտելի է։Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին պայմանավորվել են սահմանազատումը սկսել Տավուշի մարզից։ Սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը պետք է ավարտվի մինչև 2024 թ. մայիսի 15-ը:ՀՀ վարչապետի աշխատակազմը հայտարարել է, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` անվտանգային ռիսկերի նվազեցում։ Կիրանց գյուղի հատվածում ճանապարհի մի քանի հարյուր մետրանոց հատվածի փոփոխություն կարվի, իսկ Ոսկեպարը ճանապարհի խնդիր չի ունենա։ Սահմանազատումից հետո չորս գյուղերի հատվածում զինված ուժերը հետ կքաշվեն և իրենց տեղը կզիջեն սահմանապահ զորքերին:Տավուշի սահմանամերձ գյուղերի բնակիչներն ապրիլի 19-ից բողոքի ակցիաներ են անում Հայաստան-Վրաստան միջպետական ճանապարհին: Նրանք դեմ են սահմանազատման այն տարբերակին, որը համաձայնեցրել են Երևանն ու Բաքուն։
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, տավուշ, մարդու իրավունքների պաշտպան (միպ), ավտոմեքենա
հայաստան, տավուշ, մարդու իրավունքների պաշտպան (միպ), ավտոմեքենա
Բռնության ցանկացած դրսևորում անընդունելի է. ՄԻՊ-ը խումբ է ուղարկել Տավուշ
18:37 23.04.2024 (Թարմացված է: 18:42 23.04.2024) Պաշտպանը բողոքի ակցիայի մասնակիցներին, ոստիկանությանը և հավաքի անցկացման վայրում գտնվող բոլոր անձանց հորդորում է զսպվածություն ցուցաբերել։
ԵՐԵՎԱՆ, 23 ապրիլի – Sputnik. ՀՀ մարդու իրավունքների պաշտպան Անահիտ Մանասյանի հանձնարարությամբ աշխատանքային խումբ է մեկնել Տավուշի մարզ այնտեղ տեղի ունեցած միջադեպերի առնչությամբ։ Տեղեկությունը հայտնում է
ՄԻՊ գրասենյակը։
Ըստ հաղորդագրության` ՄԻՊ-ն արձագանքել է սոցիալական հարթակներում, ԶԼՄ-ներում տարածված տեղեկությանը, ըստ որի՝
հավաքի ժամանակ ավտոմեքենան փորձել է մխրճվել բազմության մեջ, ինչի հետևանքով բնակիչներից մեկը վնասվածք է ստացել։
Բացի այդ, պաշտպանի աշխատակազմը նաև տեղեկություններ է ստացել, որ խուլիգանություն կատարելու կասկածանքով ձերբակալվել ու ոստիկանության Նոյեմբերյանի և Թումանյանի բաժիններ են տեղափոխվել մի խումբ անձինք: Արագ արձագանքման խումբ է մեկնել բաժիններ՝ ազատությունից զրկված անձանց տեսակցելու և նրանց իրավունքների ապահովման վիճակին տեղում ծանոթանալու նպատակով:
«Պաշտպանը հորդորում է բողոքի ակցիայի մասնակիցներին, ոստիկանությանը և հավաքի անցկացման վայրում գտնվող բոլոր անձանց ցուցաբերել զսպվածություն, ապահովել հավաքի խաղաղ ընթացքն ու օրենսդրությամբ սահմանված պահանջները»,- նշված է հաղորդագրության մեջ։
Մարդու իրավունքների պաշտպանը ևս մեկ անգամ ընդգծում է, որ բռնության ցանկացած դրսևորում խիստ անընդունելի և դատապարտելի է։
Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին
պայմանավորվել են սահմանազատումը սկսել Տավուշի մարզից։ Սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը պետք է ավարտվի մինչև 2024 թ. մայիսի 15-ը:
ՀՀ վարչապետի աշխատակազմը հայտարարել է, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` անվտանգային ռիսկերի նվազեցում։ Կիրանց գյուղի հատվածում ճանապարհի մի քանի հարյուր մետրանոց հատվածի փոփոխություն կարվի, իսկ Ոսկեպարը ճանապարհի խնդիր չի ունենա։ Սահմանազատումից հետո չորս գյուղերի հատվածում զինված ուժերը հետ կքաշվեն և իրենց տեղը կզիջեն սահմանապահ զորքերին:
Տավուշի սահմանամերձ գյուղերի բնակիչներն ապրիլի 19-ից
բողոքի ակցիաներ են անում Հայաստան-Վրաստան միջպետական ճանապարհին: Նրանք դեմ են սահմանազատման այն տարբերակին, որը համաձայնեցրել են Երևանն ու Բաքուն։
