https://arm.sputniknews.ru/20240428/fransiaji-ag-nakharary-bejrutum-kqnnarki-israjeli-het-larvatsutjuny-tulacnelu-harcy-75092998.html
Ֆրանսիայի ԱԳ նախարարը Բեյրութում կքննարկի Իսրայելի հետ լարվածությունը թուլացնելու հարցը
Ֆրանսիայի ԱԳ նախարարը Բեյրութում կքննարկի Իսրայելի հետ լարվածությունը թուլացնելու հարցը
Sputnik Արմենիա
Լիբանանի արտաքին գործերի նախարարությունն ավելի վաղ հայտարարել էր, որ ֆրանսիական նախաձեռնությունը կարևոր քայլ է խաղաղության և անվտանգության ճանապարհին: 28.04.2024, Sputnik Արմենիա
2024-04-28T12:51+0400
2024-04-28T12:51+0400
2024-04-28T12:52+0400
ֆրանսիա
լիբանան
իսրայել
պատերազմ
սահման
https://cdn.am.sputniknews.ru/img/07e8/04/1c/75092509_0:0:1601:901_1920x0_80_0_0_bf04c7b0599f972b22174a6c3596674a.jpg
ԵՐԵՎԱՆ, 28 ապրիլի — Sputnik. Ֆրանսիայի արտգործնախարար Ստեֆան Սեժուրնեն, որը երեկ երեկոյան ժամանել է Բեյրութ, Լիբանանի ղեկավարության հետ կքննարկի Փարիզի նախաձեռնությունը Իսրայելի հետ սահմանին լարվածության թուլացման վերաբերյալ։Բեյրութից հետո Ֆրանսիայի արտգործնախարարը կմեկնի Սաուդյան Արաբիա, այնուհետև կայցելի Իսրայել:Փետրվարին հաղորդվել էր, որ պաշտոնական Փարիզը Լիբանանին է ուղարկել Վաշինգտոնի մասնակցությամբ մշակված գրավոր առաջարկ, որում ֆրանսիական կողմն առաջարկել է Իսրայելի հետ սահմանին ռազմական գործողությունների դադարեցման իր բանաձևը: Մասնավորապես, Փարիզը կոչ է արել «Հեզբոլլահ» շարժմանն իր ստորաբաժանումները հետ քաշել սահմանից 10 կմ հեռավորության վրա՝ Իսրայելի պաշտպանության բանակի կողմից Հարավային Լիբանանի գնդակոծությունները դադարեցնելու դիմաց:Ի պատասխան՝ Լիբանանի ԱԳՆ-ն հայտարարել է, որ ֆրանսիական նախաձեռնությունը կարևոր քայլ է համարում խաղաղության և անվտանգության ճանապարհին:Իսրայելի ռազմաօդային ուժերը հարված են հասցրել Լիբանանի տարածքին․ ԶԼՄՀիշեցնենք` 2023 թ. հոկտեմբերի 7-ի առավոտյան Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ ահաբեկիչներ ներխուժել են Իսրայելի հարավում գտնվող սահմանամերձ շրջաններ։ Պաղեստինյան ՀԱՄԱՍ շարժման ռազմական թևը հայտարարեց, որ Իսրայելի դեմ «Ալ Աքսայի ջրհեղեղ» գործողություն է անցկացնում: Իսրայելի պաշտպանության բանակն էլ (ՑԱԽԱԼ) հայտնեց Գազայի հատվածում ՀԱՄԱՍ-ի դեմ «Երկաթե թրեր» գործողության մեկնարկի մասին։
ֆրանսիա
լիբանան
իսրայել
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ֆրանսիա, լիբանան, իսրայել, պատերազմ, սահման
ֆրանսիա, լիբանան, իսրայել, պատերազմ, սահման
Ֆրանսիայի ԱԳ նախարարը Բեյրութում կքննարկի Իսրայելի հետ լարվածությունը թուլացնելու հարցը
12:51 28.04.2024 (Թարմացված է: 12:52 28.04.2024) Լիբանանի արտաքին գործերի նախարարությունն ավելի վաղ հայտարարել էր, որ ֆրանսիական նախաձեռնությունը կարևոր քայլ է խաղաղության և անվտանգության ճանապարհին:
ԵՐԵՎԱՆ, 28 ապրիլի — Sputnik. Ֆրանսիայի արտգործնախարար Ստեֆան Սեժուրնեն, որը երեկ երեկոյան ժամանել է Բեյրութ, Լիբանանի ղեկավարության հետ կքննարկի Փարիզի նախաձեռնությունը Իսրայելի հետ սահմանին լարվածության թուլացման վերաբերյալ։
«Ֆրանսիացի նախարարը բանակցություններ կվարի խորհրդարանի խոսնակ Նաբիհ Բերիի, կառավարության ղեկավար Նաջիբ Միքաթիի, արտաքին գործերի նախարար Աբդալլահ Բու Հաբիբի և բանակի հրամանատար գեներալ Ջոզեֆ Աունի հետ», - տեղեկացնում է Լիբանանի ազգային լրատվական գործակալությունը՝ NNA-ն։
Բեյրութից հետո Ֆրանսիայի արտգործնախարարը կմեկնի Սաուդյան Արաբիա, այնուհետև կայցելի Իսրայել:
Փետրվարին հաղորդվել էր, որ պաշտոնական Փարիզը Լիբանանին է ուղարկել Վաշինգտոնի մասնակցությամբ մշակված գրավոր առաջարկ, որում ֆրանսիական կողմն առաջարկել է Իսրայելի հետ սահմանին ռազմական գործողությունների դադարեցման իր բանաձևը: Մասնավորապես, Փարիզը կոչ է արել «Հեզբոլլահ» շարժմանն իր ստորաբաժանումները հետ քաշել սահմանից 10 կմ հեռավորության վրա՝ Իսրայելի պաշտպանության բանակի կողմից Հարավային Լիբանանի գնդակոծությունները դադարեցնելու դիմաց:
Ի պատասխան՝ Լիբանանի ԱԳՆ-ն հայտարարել է, որ ֆրանսիական նախաձեռնությունը կարևոր քայլ է համարում խաղաղության և անվտանգության ճանապարհին:
Հիշեցնենք` 2023 թ. հոկտեմբերի 7-ի առավոտյան
Իսրայելը Գազայի հատվածից աննախադեպ հրթիռային հարձակման ենթարկվեց։ Իսրայելի բանակի մամուլի ծառայությունից հայտնեցին, որ ծայրահեղականներն ավելի քան 3 հազար հրթիռ են արձակել: Բացի այդ, տասնյակ ահաբեկիչներ ներխուժել են Իսրայելի հարավում գտնվող սահմանամերձ շրջաններ։ Պաղեստինյան ՀԱՄԱՍ շարժման ռազմական թևը հայտարարեց, որ Իսրայելի դեմ «Ալ Աքսայի ջրհեղեղ» գործողություն է անցկացնում: Իսրայելի պաշտպանության բանակն էլ (ՑԱԽԱԼ) հայտնեց Գազայի հատվածում ՀԱՄԱՍ-ի դեմ «Երկաթե թրեր» գործողության մեկնարկի մասին։
