https://arm.sputniknews.ru/20240430/36-kg-vosku-ev-293-mln-rubli-hapshtakelu-gvortsvov-evs-1-andz-e-kalanavvorvel-manramasner-75160212.html
36 կգ ոսկու և 293 մլն ռուբլի հափշտակելու գործով ևս 1 անձ է կալանավորվել. մանրամասներ
36 կգ ոսկու և 293 մլն ռուբլի հափշտակելու գործով ևս 1 անձ է կալանավորվել. մանրամասներ
Sputnik Արմենիա
Գործի շրջանակում խուզարկություն է իրականացվել, և 48-ամյա քաղաքացու մեքենայից 58 մլն ռուբլի և 2 ոսկե ձուլակտոր է հայտնաբերվել։ 30.04.2024, Sputnik Արմենիա
2024-04-30T19:06+0400
2024-04-30T19:06+0400
2024-04-30T19:07+0400
հայաստան
ոսկի
փարաքար
ավտոմեքենա
հհ ոստիկանություն
https://cdn.am.sputniknews.ru/img/07e8/02/17/72646442_0:40:738:455_1920x0_80_0_0_1282b0ba4ca61ebc59bb263e310ee36e.jpg
ԵՐԵՎԱՆ, 30 ապրիլի – Sputnik. Փարաքար համայնքում 36 կգ ոսկու ձուլակտորներ և 293 մլն ռուբլի գումար հափշտակելու վարույթի շրջանակում խուզարկություններ են կատարվել, ևս մեկ անձ կալանավորվել է։ Տեղեկությունը հայտնում է ՀՀ ՆԳՆ ոստիկանության մամուլի ծառայությունը։Ավելի վաղ տեղեկացրել էինք, որ ապրիլի 10-ին Փարաքարի ճանապարհին զինված հարձակում է եղել «Հյունդաի սոնատա» մակնիշի ավտոմեքենայի վրա, հափշտակել են 36 կգ ոսկե ձուլակտոր և 293 մլն ռուբլի։ Ապրիլի 13-ին իրավապահները Երևան–Երասխ ճանապարհի Արարատի վարչական տարածքում բռնել և վնասազերծել են ապրիլի 10-ին ավազակային հարձակմամբ 36 կգ ոսկու ձուլակտոր և խոշոր չափի գումար հափշտակած կասկածյալներից մի քանիսին։ 12 անձի նկատմամբ քրեական հետապնդում է հարուցվել, 5-ը կալանավորվել են։ Տարածքի ուսումնասիրությամբ դեպքի վայրից «Պորշ» մակնիշի մեքենա է հայտնաբերվել, որը «թաղվել էր» Մերձավանում գործող ավազի հանքում։«Պարզվել է, որ «Պորշը» հանքում խնամքով թաղելուց հետո խմբի 5 անդամները «ԳԱԶ-3102» մակնիշի մեքենայով հեռացել են։ Հանցավոր կազմակերպության անդամներից մեկը` 48-ամյա տղամարդը, Երևանի Բագրատունյաց փողոցում գողոնով պայուսակն իր «Տոյոտայից» տեղափոխել է ուղևորափոխադրումներ կատարող «Մերսեդես Վիտո» մակնիշի մեքենան, ինքն էլ որպես ուղևոր` տեղավորվել մեքենայում: Արարատի մարզում «Մերսեդես Վիտոն» կանգնեցվել է, 48-ամյա տղամարդը ձերբակալվել և տեղափոխվել է ոստիկանության Մալաթիայի բաժին: Նրա անձնական խուզարկությամբ հայտնաբերվել է 58 մլն ռուսական ռուբլի և ոսկու 2 ձուլակտոր: Հայտնաբերվել, ձերբակալվել և նախաքննական մարմին են տեղափոխվել խմբի այլ անդամներ, խուզարկություններով հայտնաբերվել է հափշտակված գումարի մի մասը ևս»,– ասված է հաղորդագրությունում։Նշվում է, որ ձեռք բերված բավարար փաստերի հիման վրա հանցավոր կազմակերպության անդամներին մեղադրանք է ներկայացվել հանցավոր կազմակերպությանը մասնակցելու, հանցավոր կազմակերպության կողմից առանձնապես խոշոր չափերով ավազակային հարձակում կատարելու համար:Քրեական հետապնդում է հարուցվել 12 անձի նկատմամբ, որոնցից 6–ի նկատմամբ խափանման միջոց է կիրառվել կալանավորումը։Նախաքննությունը շարունակվում է:
փարաքար
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, ոսկի, փարաքար, ավտոմեքենա, հհ ոստիկանություն
հայաստան, ոսկի, փարաքար, ավտոմեքենա, հհ ոստիկանություն
36 կգ ոսկու և 293 մլն ռուբլի հափշտակելու գործով ևս 1 անձ է կալանավորվել. մանրամասներ
19:06 30.04.2024 (Թարմացված է: 19:07 30.04.2024) Գործի շրջանակում խուզարկություն է իրականացվել, և 48-ամյա քաղաքացու մեքենայից 58 մլն ռուբլի և 2 ոսկե ձուլակտոր է հայտնաբերվել։
ԵՐԵՎԱՆ, 30 ապրիլի – Sputnik. Փարաքար համայնքում 36 կգ ոսկու ձուլակտորներ և 293 մլն ռուբլի գումար հափշտակելու վարույթի շրջանակում խուզարկություններ են կատարվել, ևս մեկ անձ կալանավորվել է։ Տեղեկությունը հայտնում է
ՀՀ ՆԳՆ ոստիկանության մամուլի ծառայությունը։
Ավելի վաղ
տեղեկացրել էինք, որ ապրիլի 10-ին Փարաքարի ճանապարհին զինված հարձակում է եղել «Հյունդաի սոնատա» մակնիշի ավտոմեքենայի վրա, հափշտակել են 36 կգ ոսկե ձուլակտոր և 293 մլն ռուբլի։ Ապրիլի 13-ին իրավապահները Երևան–Երասխ ճանապարհի Արարատի վարչական տարածքում բռնել և վնասազերծել են ապրիլի 10-ին ավազակային հարձակմամբ 36 կգ ոսկու ձուլակտոր և խոշոր չափի գումար հափշտակած կասկածյալներից մի քանիսին։ 12 անձի նկատմամբ քրեական հետապնդում է հարուցվել, 5-ը կալանավորվել են։ Տարածքի ուսումնասիրությամբ դեպքի վայրից «Պորշ» մակնիշի մեքենա է հայտնաբերվել, որը «թաղվել էր» Մերձավանում գործող ավազի հանքում։
«Պարզվել է, որ «Պորշը» հանքում խնամքով թաղելուց հետո խմբի 5 անդամները «ԳԱԶ-3102» մակնիշի մեքենայով հեռացել են։ Հանցավոր կազմակերպության անդամներից մեկը` 48-ամյա տղամարդը, Երևանի Բագրատունյաց փողոցում գողոնով պայուսակն իր «Տոյոտայից» տեղափոխել է ուղևորափոխադրումներ կատարող «Մերսեդես Վիտո» մակնիշի մեքենան, ինքն էլ որպես ուղևոր` տեղավորվել մեքենայում: Արարատի մարզում «Մերսեդես Վիտոն» կանգնեցվել է, 48-ամյա տղամարդը ձերբակալվել և տեղափոխվել է ոստիկանության Մալաթիայի բաժին: Նրա անձնական խուզարկությամբ հայտնաբերվել է 58 մլն ռուսական ռուբլի և ոսկու 2 ձուլակտոր: Հայտնաբերվել, ձերբակալվել և նախաքննական մարմին են տեղափոխվել խմբի այլ անդամներ, խուզարկություններով հայտնաբերվել է հափշտակված գումարի մի մասը ևս»,– ասված է հաղորդագրությունում։
Նշվում է, որ ձեռք բերված բավարար փաստերի հիման վրա հանցավոր կազմակերպության անդամներին մեղադրանք է ներկայացվել հանցավոր կազմակերպությանը մասնակցելու, հանցավոր կազմակերպության կողմից առանձնապես խոշոր չափերով ավազակային հարձակում կատարելու համար:
Քրեական հետապնդում է հարուցվել 12 անձի նկատմամբ, որոնցից 6–ի նկատմամբ խափանման միջոց է կիրառվել կալանավորումը։
Նախաքննությունը շարունակվում է:
