01:16 18 հունվարի 2017
Ուղիղ եթեր
Футбол. Встреча Николая Толстых с Мишелем Платини

Պլատինի. չի կարելի թույլ տալ, որ հարուստ ակումբները տանեն լավագույն խաղացողներին

© Sputnik/ Александр Вильф
Հայաստան
Ստանալ կարճ հղումը
2 0 0

Հետագայում պետք է սահմանափակել լավագույն խաղացողներին մեկ կամ երկու ակումբներում կենտրոնացնելու հնարավորությունը, դա շատ կարևոր է մրցումների համար, կարծում է ՈՒԵՖԱ ղեկավար Միշել Պլատինին

ԵՐԵՎԱՆ, 17 հուլիսի – Sputnik. Չի կարելի թույլ տալ, որ բոլոր լավ խաղացողները հավաքված լինեն մի քանի ամենահարուստ ակումբներում, ասել է ՈՒԵՖԱ ղեկավար Միշել Պլատինին, հայտնում է ՌԻԱ Նովոստին` հղում անելով «Սպորտ–էքսպրեսին»։

2007 թվականի հունվարին Միշել Պլատինին ընտրվել է ՈՒԵՖԱ-ի նախագահ և սկսել է բարեփոխումներ իրականացնել եվրոպական ֆուտբոլային համակարգում։ Նրա նորամուծություններից մեկն է ֆինանսական fair play–ը` չափանիշների համակարգ, որը առաջադրվում է ֆուտբոլային ակումբների նկատմամբ և միտված է եվրոպական ֆուտբոլային ակումբի ընդհանուր տնտեսական կայունության բարելավմանը։

«Հետագայում պետք է սահմանափակել լավագույն խաղացողների կենտրոնացումը մեկ կամ երկու ակումբներում։ Դա կարևոր է մրցումների համար։ Լիովին կողմ եմ այն գաղափարին, որ թիմերում պետք է լինեն ավելի շատ տեղական ֆուտբոլիստներ. պահանջել որևէ սահմանափակում ազգային պատկանելության հիման վրա անհնար է»։

«Չի կարելի թույլ տալ, որպեսզի լավագույն թիմերը վերցնեն բոլոր լավ խաղացողներին։ Այլապես մրցակցային ոգին կմեռնի։ Այսօր մեծ գումար ունեցող  առաջատար ակումբները կարող են գնել ում ցանկանան։ Մենք պետք է մտածենք ֆուտբոլի մասին` ողջ Եվրոպայում, այլ ոչ թե մեկ երկու ակումբներում», – ավելացրել է Պլատինին։

Պլատինին նաև կարծում է, որ ֆինանսական fair play–ի օգնությամբ հնարավոր է դարձել հասնել ակումբների զգալի ֆինանսական կարգավորման։ 

«Կարծում եմ, որ սկզբունքը լավ է աշխատում։ Ակնհայտ է ակումբների զգալի ֆինանսական կարգավորումը։ 2014 թվականին միասնական կորուստները նվազել են մինչև 400 մլն եվրո։ Սա հաջողություն է։ Ժամանակը, երբ ֆուտբոլը ապրում էր կյանքի օրենքներից դուրս, անցել է։ Մենք պետք է ինչ–որ բան անեինք, որպեսզի կանխեինք պայթյունը։ Ֆինանսական fair play–ը աշխատացնելով` մենք պաշտպանում ենք ակումբներն ու ֆուտբոլն ընդհանրապես։ Կորուստների հարցը լուծելով` մենք, հավանաբար, կսկսենք աշխատել ներդրումների վրա։ Սակայն դեռ պետք է արվեր, այն ինչ արվել է։ Պատկերացրեք` որքան ակումբ ենք մենք պահպանել վերջին տարիների ընթացքում», – ավելացրել է Պլատինին։

Գլխավոր թեմաներ