ԵՐԵՎԱՆ, հուլիսի 29– Sputnik. 2018թ.–ի ֆուտբոլի աշխարհի առաջնության ընտրական խմբում Հայաստանի հավաքականի համար ամենաբարդ մրցակիցը Լեհաստանի հավաքականն է, Sputnik գործակալությանը տված հարցազրույցում ասաց Հայաստանի հավաքականի գլխավոր մարզչի պաշտոնակատար Սարգիս Հովսեփյանը։
Նախորդ շաբաթ Սանկտ Պետերբուրգում անցկացված ԱԱ-2018 ընտրական վիճակահանության արդյունքում Հայաստանի ֆուտբոլի հավաքականն ընդգրկվել է նույն խմբում Ռումինիայի, Դանիայի, Լեհաստանի, Չեռնոգորիայի և Ղազախստանի հետ։
«Կարծում եմ, որ բոլոր վեց թիմերը ֆավորիտներ են։ Թիմերից յուրաքանչյուրը մտածում է` իսկ ինչու՞ ոչ մենք։Դժվար է ասել, ամենայն հավանականությամբ, դա Լեհաստանն է»,– ասաց Հովսեփյանը։
Նրա խոսքով` լեհական հավաքականի կազմում խաղում է այնպիսի աստղ, ինչպիսին է Ռոբերտ Լևանդովսկին, ով կարող է խնդիրներ ստեղծել։ «Իր խաղով կարող է շատ բան որոշել, գոլերի հեղինակ դառնալ։ Հենց այդ պատճառով Լեհաստանը մի փոքր տարբերվում է մյուս թիմերից։ Բայց չեմ ուզում ասել, թե մյուս հավաքականները նրան զիջում են»,– նշեց Հովսեփյանը։
Նրա խոսքով` լեհական հավաքականի կազմում խաղում է այնպիսի աստղ, ինչպիսին է Ռոբերտ Լևանդովսկին, ով կարող է խնդիրներ ստեղծել։ «Իր խաղով կարող է շատ բան որոշել, գոլերի հեղինակ դառնալ։ Հենց այդ պատճառով Լեհաստանը մի փոքր տարբերվում է մյուս թիմերից։ Բայց չեմ ուզում ասել, թե մյուս հավաքականները նրան զիջում են»,– նշեց Հովսեփյանը։
