23:28 17 հունվարի 2017
Ուղիղ եթեր
Предварительная жеребьевка ЧМ-2018 по футболу

Հովսեփյան. ԱԱ–2018թ.–ի վիճակահանությունը Ռուսաստանում ընթացել է բարձր մակարդակով

© Sputnik/ Константин Чалабов
Հայաստան
Ստանալ կարճ հղումը
163 0 0

Հայաստանի հավաքականի գլխավոր մարզչի պաշտոնակատար Սարգիս Հովսեփյանը կարծում է, որ 2018թ.–ի աշխարհի առաջնությունը Ռուսաստանում տեղի կունենա պատշաճ մակարդակով

ԵՐԵՎԱՆ, հուլիսի 29– Sputnik. 2018թ.–ի ֆուտբոլի աշխարհի առաջնության ընտրական փուլի վիճակահանությունը Սանկտ Պետերբուրգում տեղի է ունեցել բարձր մակարդակով, Sputnik գործակալությանը տված հարցազրույցում ասաց Հայաստանի հավաքականի գլխավոր մարզչի պաշտոնակատար Սարգիս Հովսեփյանը։

Նախորդ շաբաթ Սանկտ Պետերբուրգում անցկացված ԱԱ-2018 ընտրական վիճակահանության արդյունքում Հայաստանի ֆուտբոլի հավաքականն ընդգրկվել է նույն խմբում Ռումինիայի, Դանիայի, Լեհաստանի, Չեռնոգորիայի և Ղազախստանի հետ։

«Ռուսաստանը, իհարկե, պատրաստ է առաջնության անցկացմանը, մենք գիտենք, թե ինչպիսի գեղեցիկ ու որակյալ մարզադաշտեր են այժմ կառուցվում։ Կարծում եմ, որ Ռուսաստանի նման գերտերությունն այդ ֆուտբոլային միջոցառումը կանցկացնի պատշաճ մակարդակով։ Ես ուրախ եմ, որ առաջնությունն այնտեղ է անցկացվելու»,– ասաց Հովսեփյանը։

ԱԱ-2018թ.–ի ընտրական փուլի խաղերը տեղի կունենան 2016թ.–ի սեպտեմբերի 4–ից 2017թ.–ի հոկտեմբերի 10–ը։ Խմբի 9 հաղթողներ անմիջապես անցնում են առաջնության եզրափակիչ փուլ։ Իրենց խմբերում երկրորդ տեղերը զբաղեցրած թիմերի շարքում 8 լավագույն հավաքականներն անցումային խաղեր կանցկացնեն 2017թ.–ի նոյեմբերին։

2018թ.–ի աշխարհի առաջնությունը տեղի կունենա 2018թ.–ի հունիսի 14–ից հուլիսի 15–ը Ռուսաստանի 11 քաղաքների 12 մարզադաշտերում. Մոսկվայում, Կալինինգրադում, Սանկտ Պետերբուրգում, Վոլգոգրադում, Կազանում, Նիժնի Նովգորոդում, Սամարայում, Սարանսկում, Դոնի Ռոստովում, Սոչիում և Եկատերինբուրգում։

Ըստ թեմայի

Հովսեփյան. Յուրա Մովսիսյանը կխաղա Հայաստանի հավաքականի առաջիկա խաղերում
Հովսեփյան. ԱԱ-2018թ.–ի ընտրական փուլում Հայաստանի ամենաբարդ մրցակիցը Լեհաստանն է
Հովսեփյան. Յուրչենկոյի հետ բանակցությունները կավարտվեն առաջիկա օրերին
Հովսեփյան. մեր խմբի բոլոր թիմերը ֆավորիտներ են

Գլխավոր թեմաներ