20:35 10 դեկտեմբերի 2016
Ուղիղ եթեր
Վիգեն Սարգսյան

Սարգսյանը քննարկել է հայ–ռուսական միացյալ զորախմբի թեման

© Sputnik/ Asatur Yesayants
Հայաստան
Ստանալ կարճ հղումը
17 0 0

Հայաստանի պաշտպանության նախարարության պատվիրակությունը` նախարար Վիգեն Սարգսյանի ղեկավարությամբ, նոյեմբերի 27–ին ժամանել է Ռոստով։ Այցի շրջանակում Հայաստանի և Ռուսաստանի զորքերի միավորված խմբավորմանը վերաբերող հարցեր են քննարկվել։

ԵՐԵՎԱՆ, 28 նոյեմբերի — Sputnik. Հայաստանի պաշտպանության նախարարը Ռուսաստան կատարած քառօրյա այցի շրջանակում մեկնել է Ռոստով։ Այս մասին հայտնում է Ռոստովի կայքը։

Այցի պաշտոնական մասը սկսվել է նոյեմբերի 28-ին։ Նոյեմբերի 27-ի երեկոյան Վիգեն Սարգսյանը ոչ պաշտոնական մթնոլորտում հանդիպել է Դոնի հայ համայնքի ներկայացուցիչների հետ։ Հանդիպման ընթացքում Հայաստանի ՊՆ ղեկավարը նշել է, որ Ռոստովի շրջանը և Հայաստանը յուրահատուկ հարաբերություններ ունեն։

Նա խոսել է նաև հարաբերությունների ամրապնդման գործում հայկական սփյուռքի ունեցած մեծ դերի մասին։ Հանդիպման ժամանակ նախարարը «Դոնի Նոր Նախիջևանի հայ համայնքի» նախագահ, Ռոստովի շրջանի Օրենսդրական ժողովի պատգամավոր Հարություն Սուրմալյանին «Անդրանիկ Օզանյան» մեդալ է հանձնել։

Նոյեմբերի 28-ի առավոտյան Սարգսյանը հանդիպել է Ռոստովի մարզի նահանգապետ Վասիլի Գոլուբևի հետ։ Վիգեն Սարգսյանն այցելել է նաև «Ռոսվերտոլ» գործարան, ինչպես նաև հանդիպել Հարավային ռազմական օկրուգի հրամանատարության հետ, որի ընթացքում քննարկվել են վերջերս ստեղծված հայ-ռուսական միավորված զորախմբի փոխգործակցության հարցերը։

Նոյեմբերի 28-ի կեսօրին հայկական պատվիրակությունը ժամանել է Մոսկվա, որտեղ Սարգսյանը հանդիպում կունենա Ռուսաստանի պաշտպանության նախարար Սերգեյ Շոյգուի հետ և կմասնակցի ԱՊՀ անդամ երկրների պաշտպանության նախարարների խորհրդի նիստին։

Գլխավոր թեմաներ