ԵՐԵՎԱՆ, 1 դեկտեմբերի — Sputnik. Ռուսաստանը Հայաստանին գազ կվաճառի 150 դոլարով 1000 խմ-ի դիմաց։ Կառավարությունը հավանություն տվեց «Հայաստանի և Ռուսաստանի կառավարությունների միջև բնական գազի առաքման ժամանակ գների ձևավորման կարգի վերաբերյալ 2013 թվականի դեկտեմբերի 2-ի համաձայնագրում փոփոխություններ կատարելու մասին» արձանագրությանը։
«Այս որոշմամբ հավանություն է տրվում համաձայնագիրը երկարաձգելու մասին որոշմանը»,- ասաց էներգետիկ ենթակառուցվածքների և բնական պաշարների նախարար Աշոտ Մանուկյանը։
Հիշեցնենք, որ մինչև 2016 թվականը Ռուսաստանից Հայաստան գազ էր մատակարարվում 165 դոլարով։ Երբ ՌԴ վարչապետ Դմիտրի Մեդվեդևը ժամանեց Հայաստան, որոշվեց գազի գինը նվազեցնել մինչև 150 դոլար։