ԵՐԵՎԱՆ, 23 դեկտեմբերի — Sputnik. «Թրանսփարենսի Ինթերնեյշնլ հակակոռուպցիոն կենտրոն» ՀԿ գործադիր տնօրեն Սոնա Այվազյանի խոսքով՝ առցանց հարցված քաղաքացիների մեծ մասը, ընդհանուր առմամբ՝ 34,5%-ը, բավարար է գնահատում վարչապետի գործունեությունը, 29,4%-ը ՝ վատ: Հարցմանը մասնակցել է 653 օգտատեր:
Քաղաքացիների 31%-ը, պատասխանելով այն հարցին, թե ինչպես է գնահատում պետական ծախսերի արդյունավետության բարձրացման ուղղված վարչապետի ձեռնարկած քայլերը, դրանք բավարար են գնահատել, 33,8%-ը՝ վատ, 16,7%-ը գոհ է, իսկ 6,9%-ն ընդհանրապես գերազանց է գնահատում: Շատ վատ աշխատանք է որակում 12,4%-ը:
Հարցին, թե ինչպես են գնահատում բիզնես միջավայրի բարելավմանն ուղղված վարչապետի քայլերը, 30,6%-ը պատասխանել է վատ, 28%-ը՝ բավարար: