ԵՐԵՎԱՆ, 5 հունվարի-Sputnik. Կայքը պատմում է, որ 2016 թ.-ին Sputnik Արմենիան հրապարակեց բացառիկ մի նյութ, որը հուզեց ոչ միայն տեղի, այլև արտասահմանյան հազարավոր ընթերցողներին:
«Հուզիչ այս մարդկային պատմությունը տարածվեց բազմաթիվ լրատվամիջոցներով: Sputnik Արմենիան արձագանքեց օսեթ բժիշկ Կուդզաևի ցանկությանը և 28 տարի անց օգնեց նրան գտնել երկրաշարժից տուժած իր հիվանդին՝ ձեռքի տակ ունենալով միայն 1988-ին արված բժշկի ու փոքրիկի լուսանկարը: Արմենուհի Մխոյանի այս նյութի հրապարակումից հետո Sputnik Արմենիան կազմակերպեց նաև բժիշկ Կուդզաևի հանդիպումը նրա հետ»,-ասել է Sputnik Արմենիայի գլխավոր խմբագիր Ալինա Օրդյանը:
Նրա խոսքով՝ բժիշկ Կուդզաևը ցանկություն հայտնեց հնարավորության դեպքում հանդիպում կազմակերպել այն բժիշկների հետ, որոնք դժվարին օրերին աշխատել են նրա հետ ու աջակցել ինչպես մասնագիտորեն, այնպես էլ մարդկայնորեն:
«Sputnik Արմենիայի օգնությամբ հանդիպումը կայացավ, բայց ոչ միայն բժիշկների, այլև ևս մեկ հիվանդի հետ, որի կյանքը բարդ վիրահատությամբ փրկել էր Բժիշկ Կուդզաևը: Բժիշկը մեզ խոստովանեց, որ կոնքազդրի նման բարդ վիրահատությունից հետո այդ հիվանդի մայրանալը պարզապես հրաշք էր»,-ասել է Ալինա Օրդյանը:
Կայքը ներկայացրել է այլ հիշարժան հրապարակումներ ևս:
Մասնավորապես, զանգվածային լրատվամիջոցներում հրապարակված ամենաազդեցիկ հրապարակումներից մեկը ճանաչվել է Քրիստինե Աղալարյանի և Էդիկ Բաղդասարյանի հետաքննությունը Միհրան Պողոսյանի օֆշորային հարստությունների մասին, որը կոչվում է «Պանաման նվաճած հայ գեներալը. Միհրան Պողոսյանի օֆշորային ընկերությունները և հաշիվները շվեյցարական բանկերում»։ Այս հետաքննությունը ունեցավ հետևանք։ ԴԱՀԿ ղեկավարին աշխատանքից ազատեցին։
Գնել Նալբանդյան (Արմենիա հեռուստատեսության «Ժամը» լրատվական ծրագրի և «Նյումեգ» ամսագրի գլխավոր խմբագիր. «Ժամը» լրատվականի լրագրողների համոզմամբ՝ այս տարվա ամենաազդեցիկ ռեպորտաժի հեղինակը Նաիրի Մուրադյանն է:
Նա եղել է մարտական գործողությունների գոտում և ներկայացրել է ապրիլյան պատերազմի հերոսներին»:
Հարություն Հարությունյան (Հ1-ի քաղաքական և լրատվական ծրագրերի ղեկավար). «Շատ հրապարակումներ կան, որոնց մասին կուզեի նշել, բայց «Առավոտ» օրաթերթի կայքէջում Աննա Իսրայելյանի «Դեժավյու» հոդվածը, կարծում եմ, լավագույնն էր ։ Իհարկե, չեմ կարող չնշել «Հետք» էլեկտրոնային պարբերականի լրագրողական հետաքննությունների, ինչպես նաև ապրիլյան պատերազմի օրերին «Հետքի» կատարած աշխատանքների մասին»։
Աննա Վարդանյան (Sputnik Արմենիա). «Արմենուհի Մխոյանի այս նյութը՝ Sputnik Արմենիան գտել է բժիշկ Կուդզաևի փնտրած աղջկան»:
Մարգարիտ Սարգսյան (հեռուստալրագրող, Պետական գույքի կառավարման վարչություն). «Արամ Աբրահամյանի առաջնորդողները և Վարդուհի Սիմոնյանի հարցազրույցները«:
Արտակ Եղիազարյան (News.am). ««Կրկնակի խտրականություն. խոցելին խոցելիների մեջ. չհաշվառված ճակատագրեր». հեղինակ՝ Սոնա Մարտիրոսյան»:
«Քո պատերազմը լուսաբանելիս խախտում ես բոլոր կանոնները, որովհետև պատերազմող կողմերից մեկը դու ես». Էդիկ Բաղդասարյան, մականունը՝ «Ժուռնալիստ»». հեղինակ՝ Նաիրա Փայտյան:
P.S.-Լրատվամիջոցներին առաջարկում ենք այս նախագիծը ռոտացիոն կարգով միմյանց փոխանցել. այս պահից սկսած որևէ մեդիառեսուրս կարող է հայտ ներկայացնել հաջորդ տարվա համար:
