14:52 19 հունվարի 2017
Ուղիղ եթեր
Էդմոն Մարուքյան

Մարուքյան. Հայաստանի 3–րդ քաղաքի ապագան չի կարող չհուզել վարչապետին

личная страница в Facebook
Հայաստան
Ստանալ կարճ հղումը
31711

Վանաձորում հոկտեմբերին անցկացված ընտրություններում «Լուսավոր Հայաստան», «Հայկական վերածնունդ», «Բարգավաճ Հայաստան» կուսակցությունները պայմանավորվեցին, որ քաղաքապետ ընտրեն «Լուսավոր Հայաստանի» թեկնածու Քրիստ Մարուքյանին: Հայտնի է, որ փակ քվեարկությամբ քաղաքապետ դարձավ Հանրապետականի թեկնածուն:

Գոհար Սարգսյան-Sputnik

Թեմայի շուրջ Sputnik Արմենիան զրուցել է «Լուսավոր Հայաստան» կուսակցության ղեկավար Էդմոն Մարուքյանի հետ:

-Պարոն Մարուքյան, Դուք դիմում եք ներկայացրել ՀՀ կառավարությանը: Հիմնական նպատակը ո՞րն է։

Նպատակն այն է, որ 3 ամիս անընդմեջ ավագանու նիստեր չեն գումարվում, խախտվում է տեղական ինքնակառավարման մասին օրենքը և Վանաձորի՝ տեղական ինքնակառավարմանը մասնակցելու և տեղական ինքնակառավարման մարմին ունենալու իրավունքը:

Դա է պատճառը, որ ստեղծված իրավիճակից դուրս գալու ելք ենք առաջարկում: Այս պահին միակ ելքն այն է, որ կառավարությունն օրենքով իրեն վերապահված լիազորությունների շրջանակներում կիրառի նշված նորմը և նոր ընտրություններ նշանակի Վանաձոր քաղաքում։ Մյուս ելքը, որ կար, հրաժարական ներկայացնելն էր, բայց նրանց թեկնածուն ասում է, որ չի ներկայացնի հրաժարական։ Միակ տարբերակը, որ մնում է՝ պետք է կառավարությունը կրճատի լիազորությունների շրջանակը։

-Կառավարությունն օրենքով կարո՞ղ է կրճատել այդ լիազորությունների ժամկետը։

Հիմա կարող է կրճատել ու նշանակել արտահերթ ընտրություններ։

-Դուք հավատու՞մ եք, որ Ձեր դիմումին ընթացք կտրվի, թե՞ թերահավատորեն եք մոտենում այս հարցին` հաշվի առնելով, որ վարչապետը ՀՀԿ անդամ է։

Ես մինչև չտեսնեմ, որ մերժել են, չեմ կարող ասել, որ կմերժեն։ Իսկ վարչապետը եկել է, որ ռեֆորմներ անի մեր երկրում և փոփոխություններ բերի, դրա համար պետք է տեսնենք, թե ինչ տեսլական ունի։ Հայաստանի 3-րդ քաղաքի ապագան չի կարող չհուզել վարչապետին։ Հետևաբար, կառավարությունն ունի լծակ` այն կիրառելու ի շահ Վանաձորի։

-Ինչպե՞ս կմեկնաբանեք այն իրավիճակը, երբ 19 ձայնով փակ քվեարկություն է ընթանում։

Դա պետք է մեկնաբանեն նրանք, ովքեր ճնշել են մարդկանց, պարտադրել խախտել իրենց քաղաքական պայմանավորվածությունը։ Եթե գործարք կա կնքած այդ մարդկանց հետ, ուրեմն թող նրանց հրավիրեն նիստերի ու վերջ տան ճգնաժամին։ Իսկ եթե գործարք չկա՝ ճնշել են ու միանգամյա քվեարկություն պարտադրել մարդկանց։ Ես չեմ կարող ստուգել և իմանալ, դրա համար իրավապահ մարմիններ կան, թող ստուգեն։

-Քրիստ Մարուքյանը Ձեր եղբայրն է. սա նպաստավոր հանգամա՞նք է պայքարի շարունակականության համար։

Ով ուզում է լինի թեկնածուն։ Այստեղ քաղաքական խնդիր է, ոչ թե եղբայրների ու բարեկամների։

-Տեղյա՞կ եք` ինչ ժամկետում պետք է կառավարությունը Ձեր դիմումին ընթացք տա։

Վարչարարության հիմունքով, կարծում եմ` շուտ կպատասխանեն, չեմ կարծում, որ ամիսներ ձգվի։

Գլխավոր թեմաներ

  • Չայկա

    Sputnik Արմենիայի սյունակագիր, անվանի լրագրող, Հայաստանում «Իզվեստիայի» նախկին թղթակից Սերգեյ Բաբլումյանն իրեն բնորոշ թեթևությամբ, հումորով և խորությամբ գրում է հերթական հետաքրքիր պատմությունը։ Այս անգամ նա պատմում է, թե ինչպես է ԽՍՀՄ Անվտանգության պետական ծառայության կոմիտեի նախկին տնօրենը Հայաստանում հանել գլխարկը։

    9
  • Կառավարության նիստ

    ՀՀ կառավարությունը հավանություն տվեց մի համաձայնագրի, որով ՌԴ քաղաքացիների համար նախատեսվում է ներքին անձնագրով Հայաստանի տարածք մուտքի, ելքի և գտնվելու տեղաշարժի հնարավորություն։

    2
  • Կարեն Կարապետյան

    Կառավարության ղեկավար Կարեն Կարապետյանը կարևորում է Հայաստանում օտար լեզուների իմացությունը։ Հետևաբար, նա հանձնարարական տվեց ԿԳ նախարարին։

    11