ԵՐԵՎԱՆ, 4 օգոստոսի — Sputnik. Վրաստանի ՆԳՆ արտակարգ իրավիճակների դեպարտամենտից ստացված տեղեկատվության համաձայն, այսօր ժամը 06:00-ից մինչև 20:00-ը Լարսի ավտոճանապարհը կբացվի, իսկ երեկոյան ժամերին, անվտանգության նկատառումներից ելնելով, կրկին կփակվի:
ԱԻՆ-ը հայտնում է, որ ավտոճանապարհը բաց է բոլոր տեսակի ավտոմեքենաների համար հետևյալ կանոնների պահպանման դեպքում.
.միաժամանակ երկու կողմերից հանդիպակաց երթևեկությունը արգելվում է
.երթևեկությունը պետք է իրականացվի առանց կանգառների
.ինտենսիվ տեղումների դեպքում արգելել տրանսպորտային միջոցների երթևեկությունը:
Երթևեկությունը նշված կարգով իրականացվում է պարեկային ոստիկանության անմիջական վերահսկման և կոորդինացման ներքո: