ԵՐԵՎԱՆ, 22 օգոստոսի — Sputnik. Հինգ մարդ է կալանավորվել Վրաստանում Ռուսաստան-Հայաստան գազատարի մի հատվածը պայթեցնելու փորձի համար, հայտնել է Վրաստանի պետական անվտանգության ծառայությունը։
«Քննությունը պարզել է, որ կալանավորվածները պատրաստվում էին Արագվի գետի մոտ պայթեցնել Ռուսաստան-Հայաստան գազատարի բաց հատվածը»- հայտնում է Ազգային անվտանգության ծառայությունը։
Այլ մանրամասներ դեռ չեն հաղորդվում։
Նշենք, որ Ռուսական գազը Հայաստան է մատակարարվում Վրաստանի տարածքով:
