19:59 08 դեկտեմբերի 2016
Ուղիղ եթեր
«Ճակատագիր» մարտաֆիլմի նկարահանման ժամանակ

Հայաստանում մարտաֆիլմ են նկարահանում ամերիկյան հեռուստաալիքի համար

© Sputnik/
Մշակույթ
Ստանալ կարճ հղումը
29 0 0

ԱՄՆ–ի հեռուստաալիքներից մեկը գնել է հայկական սերիալի մեկ տարվա ցուցադրության իրավունքը։ Այժմ Հայաստանում «եռում են» մարտաֆիլմի նկարահանման աշխատանքները։

ԵՐԵՎԱՆ, 30 նոյեմբերի — Sputnik. Արդեն երկու շաբաթ է` Հայաստանում ողջ թափով ընթանում են «Ճակատագիր» հեռուստանովելի նկարահանումները։ Ինչպես Sputnik Արմենիային պատմեց ֆիլմի ռեժիսոր Նառա Ղուկասյանը, ֆիլմում հիմնականում երիտասարդ դերասաններ են ներգրավված։

«Գլխավոր դերերից մեկում հանդես է գալիս Էրիկ Վարոսյանը, որը ժամանել է Մոսկվայից։ Ընդհանուր առմամբ մենք նոր «դեմքեր» ենք ընտրել, որպեսզի, այսպես ասած, թարմություն մտցնենք։ Բոլոր դերերն էլ հետաքրքիր են, անգամ նրանք, որոնք բացասական են», — ասաց Ղուկասյանը։

Նրա խոսքով` ֆիլմի սյուժեն կառուցված է չորս հերոսի շուրջ, որոնցից երկուսը փոքր տարիքում հայտնվել են անչափահասների գաղութում և ավելի հասուն տարիքում փորձում են հաջողության հասնել ինքնուրույն։

  • «Ճակատագիր» մարտաֆիլմի ստեղծագործական խումբը
    «Ճակատագիր» մարտաֆիլմի ստեղծագործական խումբը
    © Sputnik/
  • «Ճակատագիր» մարտաֆիլմի նկարահանման ժամանակ
    «Ճակատագիր» մարտաֆիլմի նկարահանման ժամանակ
    © Sputnik/
1 / 2
© Sputnik/
«Ճակատագիր» մարտաֆիլմի ստեղծագործական խումբը

Քանի որ հայկական հեռուստաեթերը զերծ չէ մարդասպանության և հանցագործության տեսարաններ պարունակող մարտաֆիլմերից, նոր ֆիլմի ստեղծագործական խումբը փորձում է չանցնել թույլատրելիի սահմանը և պահպանել նրբությունները։

Դրամատիկ թատրոնի և կինոյի դերասանուհի Հակինթ Բաղդասարյանը, որը սերիալի դերակատարներից մեկն է, խոսեց իր հերոսուհու մասին։

«Ես և իմ հերոսուհին նման ենք մեր դյուրազգացությամբ, խորությամբ, բարությամբ և ընտանիքի ու ընկերների հանդեպ ունեցած նվիրվածությամբ։ Իմ մարմնավորած կերպարը հեշտությամբ ընկերություն է անում բոլորի հետ, հատկապես` իր երեխաների։ Երբ ես նկարահանման հարթակ եկա, իսկույն մտածեցի այն մասին, թե ինչպես խաղամ դերս, որ հանդիսատեսը սիրի իմ հերոսուհուն», — ասաց Հակինթը։

Նա ավելացրեց, որ կինոհարթակում ստեղծագործական մթնոլորտ է տիրում։ Դերասանուհին համոզված է, որ լավ արդյունքը կախված է թիմի ամրությունից։

Ֆիլմի ստեղծողներն արդեն պայմանավորվածություն են ձեռք բերել, և հեռուստանովելը կցուցադրվի ամերիկյան հեռուստաալիքներից մեկի եթերում։

Գլխավոր թեմաներ