ԵՐԵՎԱՆ, 1 դեկտեմբերի — Sputnik. «Ոսկե գլոբուս» մրցանակաբաշխության «Լավագույն օտարերկրյա ֆիլմ» անվանակարգում առաջադրված հայկական երեք ֆիլմից (Ջիվան Ավետիսյանի «Վերջին բնակիչը», Դավիթ Սաֆարյանի «Տաք երկիր, սառը ձմեռը», Սարիկ Անդրեասյանի «Երկրաշարժը») որևէ մեկը չի ներառվել մրցանակի հավակնորդների ցանկում:
Նշված անվանակարգում ներկայացվել է երկու ֆիլմ Ֆրանսիայից, մեկական ֆիլմ Գերմանիայից, Չիլիից, Իրանից և Ֆրանսիայից:
Մրցանակը շնորհվում է 25 անվանակարգում. 14-ը՝ կինոյի տարբեր բնագավառներին վերաբերող, 11-ը՝ հեռուսաէկրանում ունեցած արժանիքների համար:
Հաղթողը որոշվում է ժյուրիի քվեարկության արդյունքում: Քվեարկությունն ավարտվելու է հունվարի 4-ին:
«Ոսկե Գլոբուս» 74-րդ մրցանակաբաշխությունը կայանալու է 2017 թ. հունվարի 8-ին: