23:27 17 հունվարի 2017
Ուղիղ եթեր
Железная дорога

Կվիրիկաշվիլի. Աբխազիայով ե/գ վերականգնման մասին խոսք լինել էլ չի կարող

АРКА
Տնտեսություն
Ստանալ կարճ հղումը
9 0 0

Վրաստանի փոխվարչապետ Գեորգի Կվիրիկաշվիլիի խոսքով, քանի դեռ Վրաստանի տարածքային խնդիրները չեն լուծվել, Աբխազիայով երկաթուղու վերականգնման մասին խոսք լինել չի կարող։

ԵՐԵՎԱՆ, 14 հուլիսի — Sputnik. Վրաստանի փոխվարչապետ, էկոնոմիկայի և կայուն զարգացման նախարար Գեորգի Կվիրիկաշվիլին հայտնել է, որ Տրանսկովկասյան երկաթուղու` Հայաստանը, Վրաստանը, Աբխազիան և Ռուսաստանը կապող աբխազական հատվածում երկաթուղային շարժումը վերականգնելու մասին խոսք լինել չի կարող։

«Դա բացառվում է միանգամայն ոչ ադեկվատ գործողությունների պայմաններում, երբ մեր տարածաշրջանների միջև ստորագրվում է ինտեգրման պայմանագիր, բացառվում է որևէ տարանցիկ ուղու վերականգնման մասին խոսքը»,– Կվիրիկաշվիլիի հայտարարությունն է մեջբերում Sputnik գործակալությունը։

Փոխվարչապետի խոսքով, քանի դեռ լուծված չեն Վրաստանի տարածքային խնդիրները, «աբխազական հատվածում տարանցիկ երկաթուղու վերականգնման մասին խոսք լինել չի կարող»։

Ավելի վաղ ասվել է, որ Ռուսաստանի արտաքին գործերի փոխնախարար, գերագույն քարտուղար Գրիգորի Կարասինը և Վրաստանի վարչապետի` ՌԴ–ի հետ հարաբերությունների հատուկ ներկայացուցիչ Զուրաբ Աբաշիձոն հուլիսի 15–ին Պրահայում կայանալիք հանդիպմանը կքննարկեն տրանսպորտի ոլորտում երկու երկրների փոխգործակցությունը։

Տրանսկովկասյան երկաթուղու աբխազական հատվածով տարանցիկ շարժումն ընդհատվել էր 1992-1993 թվականների վրաց–աբխազական զինված հակամարտության հետևանքով։ Վրաստանի նոր իշխանությունների` երկրի եվրաինտեգրումից չհրաժարված, բայց միաժամանակ ՌԴ–ի հետ հարաբերությունները բարելավելուն կողմ հանդես եկած ներկայացուցիչները հայտնել էին, որ պատրաստ են վերականգնել երկաթուղային հաղորդակցումը Ռուսաստանի հետ, որը նույնպես դեմ չէ երկաթուղային տարանցիկ ուղի բացել Սուխում – Թբիլիսի – Երևան ուղղությամբ։ Մոսկվայի կարծիքով, նմանատիպ նախագծերի իրագործումը կնպաստի շահագրգիռ բոլոր կողմերի միջև հարաբերությունների զարգացման պայմանների ստեղծմանը։

Գլխավոր թեմաներ