«Մեծ կինո» կինոընկերության պրոդյուսեր Ղևոնդ ԱՆդրեասյանը պատասխանեց նախագծի հետ կապված մի քանի հարցի: Զրուցեց Անի Լիպարիտյանը:
-Ինչպե՞ս ծնվեց նման պատասխանատու և կարևոր նախագիծ ստեղծելու գաղափարը:
Հայաստանում նոյեմբերի 18-ին տեղի ունեցավ «Երկրաշարժ» ֆիլմի պրեմիերան, իսկ Ռուսաստանում 1988թ-ի ողբերգական իրադարձությունների մասին պատմող նկարը վարձույթի դուրս կգա դեկտեմբերի 1-ին:
Մեր կինոընկերությունը և Odnoklassiniki.ru-ն որոշեցին աղետի մասին պատմող համատեղ նախագիծ ստեղծել, որը ցնցել էր ոչ միայն Հայաստանը, այլ նաև ամբողջ աշխարհը: Մեզ թվում է, որ շատ կարևոր է իմանալ սեփական պատմությունը, հիշել ողբերգական ամսաթվերը: Մենք ցանկանում էինք հարգանքի տուրք մատուցել զոհերի հիշատակին և շնորհակալություն ասել նրանց, ովքեր այդ սարսափելի օրերին օգնության են հասել: Հենց այդ պատճառով մենք նկարեցինք «Երկրաշարժ» ֆիլմը և կազմակերպեցինք այդ նախագիծը:
-Ակնկալո՞ւմ եք, որ նախագծին կմասնակցեն այն մարդիկ, որոնք 1988 թ.-ին կյանքեր են փրկել, ինչպես նաև փրկված մարդիկ:
Ֆիլմի նկարահանումներին նախապատրաստվելիս մենք հսկայական քանակությամբ նյութեր ենք ուսումնասիրել, հանդիպել ականատեսների, փրկարարների հետ, հավաքել բազմաթիվ պատմություններ այդ սարսափելի ողբերգության մասին: Դրանց հիման վրա էլ գրվել է սցենարը, ստեղծվել «Օդնոկլասնիկի» սոցցանցի հետ նախագիծը: Երբ սոցիալական ցանցում հայտնվեց մեր խումբը և տեղադրվեց ֆիլմի թրեյլերը, մենք սկսեցինք հազարավոր պատմություններ ստանալ մարդկանցիցն, որոնք հիշում են, թե ինչ է կատարվել: 404-ի գործարկումից հետո այդ պատմություններն ավելի շատ կլինեն: Այդ դեկտեմբերյան օրերին ոչ միայն ամբողջ ԽՍՀՄ-ը, այլ նաև աշխարհն է օգնության հասել հայ ժողովրդին:
-Ինչպիսի՞ն է նախագծի աշխարհագրությունը, չէ՞ որ փրկարարները և փրկվածները ցրվել են աշխարհով մեկ:
Ամբողջ աշխարհի օգտատերերը կարող են ծանոթանալ բժիշկների, փրկարարների, կամավորների հիշողությունների հետ. ամեն ամիս «Օդնոկլասնիկի» սոցցանց է այցելում 73 միլիոն մարդ, այն թարգմանված է 14 լեզվով, այդ թվում՝ հայերեն, վրացերեն, անգլերեն և գերմաներեն:
-Կայքի հատկապես ո՞ր բաժնում օգտատերերը կարող են տեսնել և ընթերցել հիշողությունները:
Սխալվելով կայք մտնելիս՝ անցում ես կատարում էջի, որը գոյություն չունի սոցցանցում, և օգտատերերը հայտնվում են յուրահատուկ դիզայնով 404 էջում: Հենց այստեղ կարելի է ծանոթանալ ողբերգության պատմությունների հետ:
