ԵՐԵՎԱՆ, 21 նոյեմբերի — Sputnik. Նոյեմբերի 20-ին 87 տարեկան հասակում մահացել է բարերար Վահագն Հովնանյանի կինը՝ Փարիզ Հասմիկ Հովնանյանը:
Հասմիկ Հովնանյանի հոգեհանգստի արարողությունը տեղի է ունենալու այսօր՝ ժամը 17:30-ին, Սուրբ Հովհաննես Մկրտիչ եկեղեցում։ Հուղարկավորությունը տեղի կունենա վաղը։
Վահագն Հովնանյանը մահացել էր 2015 թվական օգոստոսի 31-ին։ Ամուսիններն իրենց կյանքի ընթացքում մեծ աջակցություն են ցուցաբերել հայկական մշակույթի ու ժառանգության պահպանմանը։
90-ականների վերջին Հովնանյանը Երևանում գնեց աղբանոց հիշեցնող մի տարածք և ստեղծեց Վահագնի թաղամասը։ Հարցազրույցներից մեկում Հովնանյանն ասել է.
«Այստեղից Արարատի հիասքանչ տեսարան է բացվում։ Ես որոշեցի, որ իմ տունը հենց այստեղ պիտի կառուցվի»։