ԵՐԵՎԱՆ, 4 դեկտեմբերի — Sputnik. Հակառակորդը հրադադարի պահպանման ռեժիմը խախտել է 85 անգամ, որի ընթացքում, հայկական դիրքերի ուղղությամբ արձակել է ավելի քան 1200 կրակոց: Այս մասին հայտնում է ԼՂՀ պաշտպանության նախարարության մամուլի ծառայությունը:
Բացի հրաձգային զինատեսակներից, շփման գծի հյուսիս-արևելյան և արևելյան ուղղություններում, հակառակորդը կիրառել է նաև 60 և 82 մմ ականանետներ (37 ական) և ձեռքի հակատանկային ու հաստոցավոր ավտոմատ նռնականետներ (9 արկ):
«ՊԲ-ի առաջապահ զորամասերը, անհրաժեշտ դեպքերում քայլեր են ձեռնարկել հակառակորդի նախահարձակ ակտիվությունը ճնշելու համար և շարունակել շփման գծի բոլոր ուղղություններով վստահորեն կատարել մարտական առաջադրանքները»,- նշված է հաղորդագրության մեջ:
