Հանրապետության բոլոր ճանապարհները տանում են Գյումրի

Միջոցառումների մեկնարկն ազդարարվեց Գյումրու Պարարվեստի դպրոցի պաշտոնական բացման արարողությամբ: Օրվա ընթացքում մանուկների համար հետաքրքիր միջոցառումներ կազմակերպվեցին «Բագրատունյաց» ու «Հաղթանակի»» պուրակներում, «Անի» թաղամասում, «Կայարանամերձ» և «Թատերական» հրապարակներում:

Երկար սպասումից հետո, ի ուրախություն գյումրեցիների, վերաբացվեց նախկին «Ալեքսանդրովսկի» ճեմափողոցը. հնի պահպանմամբ, բայց արդեն նոր անունով՝ Քըրք Քըրքորյանի անվան փողոց, որտեղ և տեղի ունեցավ «Հացի ու արհեստների փառատոնը»: Գյումրեցիներին աղ ու հացով, բերք ու բարիքով շնորհավորելու էին եկել նաև հարևան համայնքներից: Նույն ճեմափողոցի վրա բացվեց նաև «Երիտասարդական պալատը»: