20:33 10 դեկտեմբերի 2016
Ուղիղ եթեր
Թևան Պողոսյան

Թևան Պողոսյան. «Միաձայն քվեարկությունները հիշեցրին խորհրդային անցյալը»

© Sputnik/ Aram Nersesyan
Քաղաքականություն
Ստանալ կարճ հղումը
1710

ՀՀԿ համագումարն ԱԺ պատգամավոր Թևան Պողոսյանին ԽՍՀՄ տարիներ է հիշեցրել: Այս մասին պատգամավորը հայտնեց լրագրողների հետ զրույցում` նշելով, որ խորհրդային անցյալն ավելի շատ վերհիշել է միաձայն քվեարկություններին հետևելիս:

ԵՐԵՎԱՆ, 28 նոյեմբերի — Sputnik. Եթե ՀՀԿ համագումարում գտնվեր մեկը, ով ասեր, որ փոքր-ինչ այլ գաղափար ու տեսակետ ունի, Թևան Պողոսյանը կհավատար իշխող կուսակցության այն հայտարարություններին, որ քաղաքական դաշտը պետք է դառնա մրցակցային և փոփոխությունները պետք է սկսվեն հենց ՀՀԿ-ից:

«Մենք կտեսնեինք, որ ներքին ինչ-որ քննարկում կա,- ասաց պատգամավորը և ավելացրեց, — բայց այդտեղից խորհրդային տարիների հոտ է գալիս»:

Իսկ ՀՀԿ նախագահ Սերժ Սարգսյանի ելույթը Թևան Պողոսյանը հավանել է:

«Ընդհանրապես Սերժ Սարգսյանի բոլոր ելույթների տեքստերը լավն են, բայց մենք արդեն այս տարիներին տեսել ենք, որ ելույթի տեքստի ու մեր կյանքում առկա իրականության միջև տարբերությունը շատ է»,- ասաց պատգամավորը,- ասաց նա:

Ինչ վերաբերում է այն հանգամանքին, որ մեկ գիշերվա ընթացքում 7000 մարդ է անդամագրվել ՀՀԿ- ին, Թևան Պողոսյանի համոզմամբ` դա ստիպողական բնույթ է կրել: Միաժամանակ, նրա խոսքով, դա նաև կուսակցության մակարդակի մասին է վկայում: Կայացած կուսակցություններին անդամագրումը միանգամայն այլ ընթացակարգ ունի: Անգամ խորհրդային տարիներին կոմունիստական կուսակցությանն անդամագրվելն այնքան էլ հեշտ չէր: «Կոմկուսի անդամ դառնալու համար դպրոց էիր անցնում, քննություններ հանձնում»,- դարձյալ խորհրդային ոչ վաղ անցյալի հետ է համեմատում Թևան Պողոսյանը:

Իսկ ԲՀԿ խմբակցության ղեկավար Նաիրա Զոհրաբյանն այսօր հայտարարեց, որ Կարեն Կարապետյանի կուսակցական դառնալն ու ՀՀԿ համագումարն իրեն չեն հետաքրքրում և չի էլ պատրաստվում ընթերցել համագումարում հնչած ելույթները: 

Գլխավոր թեմաներ