Տնտեսագետի կարծիքով` այդ հայտարարությունը երկու կողմ ունի` քաղաքական և տնտեսական։ Ըստ նրա` քաղաքական տեսանկյունից դիտարկելու դեպքում նշանակում է, որ կառավարությունում տեղի ունեցող գործընթացները արժեզրկվում են, իսկ տնտեսական բաղադրիչը հաշվի առնելու դեպքում, տնտեսագետի խոսքով, պետք է հիշել, որ դեֆոլտները լինում են տարբեր տեսակի
«Օրինակ` ԱՄՆ-ն կանգնեց տեխնիկական դեֆոլտի առաջ, երբ պարտքը գերազանցեց ՀՆԱ- 100 տոկոսի սահմանագիծը, և Օբաման դիմեց Կոնգրես` շեմը բարձրացնելու համար։ Մենք էլ կանգնեցինք նման խնդրի առաջ, երբ պարտքերի մակարդակը հասել էր մեր ՀՆԱ-ի 50 տոկոսի մակարդակին։ Հիմա շեմը բարձրացվել է մինչև 60 տոկոս և արտաքին պարտքերն էլ մոտեցել են 5.6 միլիարդ ԱՄՆ դոլարի։ Իսկ եթե ՀՆԱ-ն 10 միլիարդ դոլար է, մենք շատ շուտով, ամենայն հավանականությամբ, կարող ենք կանգնել պարտքի շեմը ևս մեկ անգամ բարձրացնելու խնդրի առաջ»,- ասաց Խաչատրյանը։
