Ախոյանի կարծիքով` պետք է մեկտեղել հայ մասնագետներին, լուրջ ճարտարապետների ներգրավել, նախագիծ պատվիրել և այդ տարածքում թանգարան ստեղծել, ինչը կխթանի նաև զբոսաշրջությունը, գյուղացին էլ իր բերքը կկարողանա վաճառել զբոսաշրջիկներին։
«Այդ տարածքում կարելի է հյուրանոցային համալիր կառուցել, որովհետև նույն գծի վրա մի շարք պատմական հուշարձաններ կան։ Ես այս մասին ուզում եմ խոսել կառավարության անդամների հետ, քանի որ կառավարության ծրագրում զբոսաշրջության ոլորտին ուղղված շեշտադրումը մեծ է»,- ասաց Ախոյանը։
Նրա խոսքով` նոր նախագիծը, հարակից տարածքների ուսումնասիրությունն ու այդ ամենը Հայաստանի այցեքարտ դարձնելը կարող է մեկուկես —երկու միլիոն դոլար արժենալ, ինչը մեկ-երկու դերասան հրավիրելու գին է։
Պատգամավորը վստահեցնում է, որ կատարված պեղումները բնության քմահաճույքին թողնելը պարզապես սրբապղծություն կլինի։
