ԵՐԵՎԱՆ, 23 սեպտեմբերի — Sputnik. Մոսկվայի արևելքում գտնվող պլաստմասե արտադրանքի պահեստում տեղի ունեցած հրդեհից հետո գտել են 8 հրշեջների մարմին, հաղորդում է ԱԻՆ օպերատիվ շտաբը։
Հրդեհը հանգցնելու մեջ ներգրավվել է 160 փրկարար և 46 միավոր տեխնիկա, այրվող տարածքը հասել է մինչև 4 հազար քառակուսի մետրի, փլուզվել է տանիքը։
«Մարմինները գտել են այն վայրում, որտեղ կենտրոնացրել են հիմնական որոնումները»,- ասել է գործակալության զրուցակիցը։
Ինչպես հաղորդվում է Ռուսաստանի ԱԻՆ կայքում, մահացած հրշեջներն աշխատել են տանիքում, որպեսզի ջրային պատ ստեղծեն գազի բալոնները սառեցնելու համար, որոնք կարող էին պայթել ցանկացած պահի։
Գերատեսչության տվյալներով, նրանք առաջիններից են եղել, որոնոք իսկույն ժամանել են դեպքի վայր, զննել տարածքը և այրվող շինությունից փրկել պահեստի ավելի քան 100 աշխատողի։
Երբ տանիքը սկսել է փլուզվել, փրկարարներն էպիկենտրոնից դուրս են մղել իրենց այն ընկերներին, որոնք կարող էին ընկնել տանիքից։
