20:34 10 դեկտեմբերի 2016
Ուղիղ եթեր
Տատյանա Նավկա

Հարցը հասավ Կրեմլ. Պեսկովը պաշտպանեց կնոջը

© Sputnik/ Евгения Новоженина
Ռուսաստան
Ստանալ կարճ հղումը
37 0 0

Ռուսական Առաջին ալիքով ցուցադրվող «Սառցե դարաշրջանը» նախագծում գեղասահքի օլիմպիական չեմպիոն Տատյանա Նավկայի ելույթը, որը նվիրված էր Հոլոքոսթի թեմային, որոշ ԶԼՄ–ներ քննադատության են ենթարկել։ Լրագրողներն այդ ելույթը խնդրել են մեկնաբանել Նավկայի ամուսնուն` Դմիտրի Պեսկովին։

ԵՐԵՎԱՆ, 28 նոյեմբերի — Sputnik. Ռուսաստանի նախագահի մամուլի քարտուղար Դմիտրի Պեսկովը մեկնաբանել է իր տիկնոջ` Տատյանա Նավկայի և Անդրեյ Բուրկովսկու ելույթը, որի ժամանակ գեղասահորդները սառցադաշտ էին դուրս եկել Օսվենցիումի կալանավորների կերպարներով` Դավթի աստղը կրծքին և գծավոր գիշերազգեստով։

«Ես չեմ կարծում, որ այդ հարցը Կրեմլի հետ որևէ առնչություն ունի։ Աշխատանքիս բերումով ես չեմ կարող մեկնաբանել այն։ Հպարտանում եմ իմ կնոջով, ահա թե ինչ կարող եմ ասել», — ասել է Պեսկովը։

Նշենք, որ Տատյանա Նավկա-Անդրեյ Բուրկովսկի զույգը ելույթ էր ունեցել «Կյանքը հիասքանչ է» ֆիլմի «Beautiful That Way» երգի ներքո (անչափ տպավորիչ այս ֆիլմում ծնողները փորձում են պաշտպանել իրենց երեխային` ձևացնելով, թե այն, ինչ կատարվում է, խաղ է)։

Մի շարք ԶԼՄ-ներ, հատկապես արևմտյան լրատվամիջոցները, ինչպես նաև համացանցի օգտատերերը քննադատել էին այս ելույթը, քանի որ գեղասահորդները` համակենտրոնացման ճամբարի կալանավորների հագուստը հագած, ժպտում ու ուրախանում էին սառցաբեմում։

Գլխավոր թեմաներ