19:58 08 դեկտեմբերի 2016
Ուղիղ եթեր
Սերգեյ Շոյգու

Ռուսաստանը պատրաստ է ուսուցանել հայ մասնագետներին

Пресс-служба Минобороны РФ
Ռուսաստան
Ստանալ կարճ հղումը
9420

Ռուսաստանի ռազմական բոլոր բուհերում Հայաստանից մեկնած մասնագետներ են սովորում, և այդ աշխատանքը շարունակական բնույթ է կրում։

ԵՐԵՎԱՆ, 30 նոյեմբերի — Sputnik. Ռուսաստանի պաշտպանության նախարար, բանակի գեներալ Սերգեյ Շոյգուն հայ գործընկերոջ` Վիգեն Սարգսյանի հետ հանդիպման ժամանակ հայտարարել է, որ Ռուսաստանը պատրաստ է ընդլայնել Հայաստանի հետ համագործակցությունը ռազմական համագործակցության ոլորտում։

«Պաշտպանության նախարարության գրեթե բոլոր բուհերում Հայաստանից ժամանած մասնագետներ են սովորում, և այդ աշխատանքը շարունակվում է, մենք պատրաստ ենք ընդլայնել ձևաչափերը»,- ասել է նախարարը։

Նա հույս է հայտնել, որ ուսուցման մակարդակը և որակը նպաստում են երկու պետությունների անվտանգության բարձր մակարդակի ապահովմանը։

Շոյգուն նշել է, որ Ռուսաստանի և Հայաստանի հարաբերությունները հագեցած են տարաբնույթ համաձայնագրերով և նորմատիվ-իրավական բազայով։

«Բայց ամենագլխավորը Ռուսաստանի և Հայաստանի միջև պատմականորեն հաստատված բարեկամական, գործընկերային հարաբերություններն են։ Մենք մեծ աշխատանք ենք իրականացնում ռազմական համագործակցության ուղղությամբ։ Անցկացնում ենք բազմաթիվ տարաբնույթ միջոցառումներ։ Կարելի է խոսել և՛ զորավարժությունների, և՛ բանակային խաղերի մասին»,- ասել է Ռուսաստանի պաշտպանության նախարարը։

Նա նաև հույս է հայտնել, որ իր և Վիգեն Սարգսյանի միջև ընկերական հարաբերություններ կհաստատվեն, ինչպես եղել է Սեյրան Օհանյանի հետ։

Գլխավոր թեմաներ