ԵՐԵՎԱՆ, 25 դեկտեմբերի — Sputnik. Լրագրող Միխայիլ Կոնստանտինովը Սոչիից Sputnik Արմենիային տված հարցազրույցում պատմեց, որ իմացել է վթարի մասին առավոտյան ժամը 8-ին:
Նա ապրում է ծովից ոչ հեռու, և պատշգամբից հստակ լսվում է, թե ինչպես են ծովի վրա աշխատում ուղղաթիռների շարժիչները: Վթարի վայրում ընթանում է որոնողական-փրկարարական գործողություն:
Դա այստեղից մոտավորապես 40 կմ հեռավորության վրա է», — ասում է նա:
Ժամանակին Միխայիլը որպես սպա ծառայել է ռազմաօդային ուժերում: Նրա խոսքով՝ եղանակը չէր կարող աղետի ուղիղ պատճառ դառնալ: Հեղինակի արած լուսանկարներից երևում է, որ Սոչիում հիմա ամպամած եղանակ է:
«Մեզ մոտ ցածր ամպամածություն է, բայց քամի և տեղումներ չկան: Տեսանելիությունը լավ է»,- իրավիճակը նկարագրեց Միխայիլը:
Նա կարծում է, որ, ամենայն հավանականությամբ, խնդիրները ծագել են վերելքից հետո: Ինքնաթիռի առաջին բեկորները գտել են ծովի ափից 1-5 կմ հեռավորության վրա:
«Մահացածների շարքում է նաև իմ ընկերը՝ ՆՏՎ-ի օպերատոր Օլեգ Պեստովը, որի հետ հաճախ եմ եղել գործուղումներում Հյուսիսային Կովկասի թեժ կետերում», — ասաց Կոնստանտինովը:
Նրա ունեցած տեղեկատվության համաձայն, ի սկզբանե Սիրիա ուղևորվող ինքնաթիռը պետք է լիցքավորվեր Մոզդոկում: Սակայն եղանակային պայմանները թույլ չեն տվել օդաչուներին վայրէջք կատարել այդ օդանավակայանում, ուստի որոշում է կայացվել ուղղություն վերցնել դեպի Ադլեր: Երբ ինքնաթիռը լիցքավորվել է, ուղղություն է վերցրել դեպի Սիրիա:
Նյութի ռուսերեն տարբերակը
