ԵՐԵՎԱՆ, 26 դեկտեմբերի — Sputnik. Երեք դաշնային հեռուստաալիքների աշխատակիցները, որոնք գտնվել են Լաթաքիա մկնող Տու-154 ինքնաթիռում, մտել են Ռուսաստանի պաշտպանության նախարարության միավորման մեջ և նրանցից շատերը բազմաթիվ անգամներ եղել են թեժ կետերում։
ՆՏՎ-ի մեկնաբան Վլադիմիր Չերնիշևը նախօրեին Facebook-ի իր էջում հրապարակել է լուսանկար, որում պատկերված է Առաջին ալիքի նրա գործընկեր Վադիմ Դենիսովը, որը մահացել է Սոչիում։
«Ես սկզբից ուզում էի ջնջել այդ լուսանկարը` որպես անհաջող. ոչ ոք չի նայում կադրին, բոլորը մի տեսակ մանր են։ Իսկ հիմա ես տեսնում եմ, թե ինչպես է Առաջին ալիքի օպերատոր Վադիմ Դենիսովը` թիկնապայուսակը մեջքին, քարից քար ցատկում, գնում դեպի օվկիանոսը։ Դա եղել է Պերուում, շուրջ մեկ ամիս առաջ։ Իսկ կիրակի առավոտյան ինքնաթիռը, որի մեջ եղել է Վադիմը, ընկել է Սև ծովը։ Բայց այդ ժամանակ մենք տուն վերադառնալուց առաջ Առաջին ալիքի գործընկերների հետ միասին գնացել էինք Խաղաղ օվկիանոսը տեսնելու։
Առջևում 25-ժամանոց թռիչք էր մինչև Մոսկվա, և Վադիմը հանգստացնում էր. «Իսլամական պետության» գրոհայինները կրակել են ինձ վրա և վրիպել են, ինձ հետ անվտանգ է… Մենք երբեք չենք կիսվել կորպորատիվ սկզբունքով, մենք միասին եղել ենք գործուղումներում, ուստի այդ մահերը ավելի ցավալի են. չկա ՆՏՎ-ի, Առաջին ալիքի և «Զվեզդայի» աշխատող, կան ուղղակի լավ տղաներ, որոնք քո կողքին են թե՛գործուղումներում, թե՛ Օստանկինոյի միջանցքներում, թե՛ ինքնաթիռներում… Իսկ հիմա նրանք չկան։ Եվ ահա այս պատահական լուսանկարում Առաջին ալիքի Վադիկը հավերժ կգնա դեպի ծովը»,- գրել է նա։
Նյութի ռուսերեն տարբերակը