ԵՐԵՎԱՆ, 2 սեպտեմբերի — Sputnik. ՀՀ կառավարության որոշմամբ` սեպտեմբերի 12-ին նշվող Մեռելոցը ոչ աշխատանքային օր է հայտարարվել։ Այս մասին կառավարության հերթական նիստի ժամանակ հայտնեց ՀՀ վարչապետ Հովիկ Աբրահամյանը` կառավարության աշխատակազմի ղեկավար-նախարար Դավիթ Հարությունյանի առաջարկով։
Այդ օրվա փոխարեն քաղաքացիները կաշխատեն սեպտեմբերի 17-ին` շաբաթ օրը։
Այս տարի Հայ առաքելական եկեղեցու հինգ տաղավար տոներից Խաչվերացը նշվում է սեպտեմբերի 11-ին։ Դրան հաջորդող երկուշաբթի օրը` սեպտեմբերի 12-ը, Հայաստանում Մեռելոց է։
