19:58 08 դեկտեմբերի 2016
Ուղիղ եթեր
Երևան

Երևանը պատրաստվում է ձմռանը

© Sputnik/ Aram Nersesyan
Հասարակություն
Ստանալ կարճ հղումը
14 0 0

Մայրաքաղաքի վարչական շրջաններում ավարտական փուլում են 2016-2017թթ. ձմռան նախապատրաստական աշխատանքները:

ԵՐԵՎԱՆ, 29 նոյեմբերի — Sputnik. Այս օրերին Երևանի բազմաբնակարան բնակելի շենքերում նորերով են փոխարինվում կոտրված ապակիները, ջերմամեկուսացվում են խողովակաշարերը, ըստ անհրաժեշտության մասնակի կամ հիմնովին փոխարինվում են նաև նախկինում տեղադրված, սակայն շարքից դուրս եկած ջրթափ խողովակները:

Երևանի քաղաքապետարանի մամուլի ծառայության հրապարակած հաղորդագրության համաձայն` մինչ օրս ջրթափ խողովակներ են նորոգվել 1167 շենքում, 811 շենքի հարկաբաժիններում լրացվել են բացակա ապակիները, ջերմամեկուսացվել են 424 շենքի ջրամատակարարման խողովակաշարերը:

Համատիրությունների կողմից իրականացվող աշխատանքների որակին ու ընթացքին տեղում հետևում են Երևանի քաղաքապետարանի և վարչական շրջանների կոմունալ ծառայությունների աշխատակիցները: Գործընթացը կավարտվի մինչև դեկտեմբերի 10-ը:

 

Գլխավոր թեմաներ