20:00 08 դեկտեմբերի 2016
Ուղիղ եթեր
ՁԻԱՀ-ի դեմ պայքարի օր

Հայաստանում մորից երեխային ՄԻԱՎ–ի փոխանցումը վերացված է

© Sputnik/ Asatur Yesayants
Հասարակություն
Ստանալ կարճ հղումը
2310

Վերջին 9 տարիների ընթացքում կանխարգելիչ բուժման շնորհիվ մորից նորածին երեխային ՄԻԱՎ–ի փոխանցվելու դեպքեր չեն գրացվել։

ԵՐԵՎԱՆ, 1 դեկտեմբերի — Sputnik. 2017 թ.-ից Հայաստանում չի գրանցվել մորից մանկանը ՄԻԱՎ-վարակ փոխանցելու ոչ մի դեպք, հինգշաբթի լրագրողներին ասաց Հայաստանի առողջապահության փոխնախարար Սամվել Մարգարյանը։

«2007 թվականից մորից երեխային ՄԻԱՎ-ի փոխանցման կանխարգելիչ բուժում ստացած մայրերից ծնված 150 երեխայից ոչ մեկի մոտ ՄԻԱՎ վարակի որևէ դեպք չի արձանագրվել»,-ասաց փոխնախարարը՝ փաստելով, որ դրական տեղաշարժ կա դոնորական արյան միջոցով ՄԻԱՎ¬-ի փոխանցման դեպքերի հետ կապված:

Самвел Маргарян
© Sputnik/ Asatur Yesayants
ԱՆ փոխնախարար Սամվել Մարգարյան

«Հայաստանը Առողջապահության համաշխարհային կազմակերպության եվրոպական տարածաշրջանի 53 երկրից առաջինն է, որը ստացել է մորից երեխային ՄԻԱՎ-ի փոխանցման վերացումը փաստող հավաստագիր»,- ասաց Մարգարյանը։

Նրա խոսքով` մյուս ձեռքբերումն այն է, որ 2001թ.-ից սկսած երկրում չի գրանցվել դոնորային արյունով վարակվելու ոչ մի դեպք։ ՄԻԱՎ-վարակակիրների մոտ 53 տոկոսը գիտի իր հիվանդության մասին։

Иван Волынкин
© Sputnik/ Asatur Yesayants
Հայաստանում Ռուսաստանի արտակարգ և լիազոր դեսպան Իվան Վոլինկին

Իր հերթին, Հայաստանում Ռուսաստանի արտակարգ և լիազոր դեսպան Իվան Վոլինկինը նշեց, որ Ռուսաստանը զգալի ֆինանսական և տեխնիկական օգնություն է ցուցաբերել ՄԱԿ-ին ՄԻԱՎ/ՁԻԱՀ-ի դեմ պայքարում, մասնավորապես, Հայաստանում միջոցառումներ անցկացնելու համար։

«Հայաստանում դա թույլ է տվել կանխարգելման և հսկողության շնորհիվ նվազեցնել ՄԻԱՎ-ով վարակվելու դեպքերի թիվը։ Այդ ծրագրով 2012-2013 թ.թ.-ին ուսուցանվել է 1123 մասնագետ, այդ թվում` 91 բժիշկ»,- ասաց Վոլինկինը։

Դեսպանի խոսքով՝ ՀՀ ՁԻԱՀ-ի կանխարգելման հանրապետական կենտրոնը համալրվել է նոր տեխնիկայով, իրականացվել է շուրջ 12 000 լաբորատոր հետազոտություն: Ռուսաստանը Հայաստանին է փոխանցել երկու շարժական բուժաշխտորոշիչ կլինիկա, որոնց շնորհիվ ՄԻԱՎ-ի անվճար ախտորոշումը հասանելի է դարձել Հայաստանի մարզերի հարյուրավոր բնակիչների համար։

Հայաստանի առողջապահության նախարարության տվյալներով` երկրում բնակվում է մոտ 3600 ՄԻԱՎ-վարակակիր, նրանց կեսը չգիտի, որ հիվանդ է։ Հիվանդների շուրջ 70 տոկոսը տղամարդիկ են։
Վարակակիրների մոտ 2 տոկոսը երեխաներ են։

Հայաստանում վարակի փոխանցման հիմնական ուղին հետերոսեքսուալ կապն է (66 տոկոս), դեպքերի 25 տոկոսը կապված է թմրանյութերի ներերակային օգտագործման հետ։

Հայաստանում գրանցված հիվանդների մեծամասնությունը վարակվել է արտասահմանում (շուրջ 60 տոկոս):

  • ՁԻԱՀ-ի դեմ պայքարի շարժական կլինիկա
    ՁԻԱՀ-ի դեմ պայքարի շարժական կլինիկա
    © Sputnik/ Asatur Yesayants
  • Հայաստանում Ռուսաստանի դեսպան Իվան Վոլինկինը ՄԻԱՎ–ի ախտորոշման համար արյուն է հանձնում
    Հայաստանում Ռուսաստանի դեսպան Իվան Վոլինկինը ՄԻԱՎ–ի ախտորոշման համար արյուն է հանձնում
    © Sputnik/ Asatur Yesayants
  • ՁԻԱՀ-ի դեմ պայքարի շարժական կլինիկա
    ՁԻԱՀ-ի դեմ պայքարի շարժական կլինիկա
    © Sputnik/ Asatur Yesayants
  • ՄԱԿ-ի զարգացման ծրագրի մշտական ներկայացուցիչ Բրեդլի Բուզետոն
    ՄԱԿ-ի զարգացման ծրագրի մշտական ներկայացուցիչ Բրեդլի Բուզետոն
    © Sputnik/ Asatur Yesayants
  • ՁԻԱՀ-ի դեմ պայքարի օրվան նվիրված ակցիա
    ՁԻԱՀ-ի դեմ պայքարի օրվան նվիրված ակցիա
    © Sputnik/ Asatur Yesayants
1 / 5
© Sputnik/ Asatur Yesayants
ՁԻԱՀ-ի դեմ պայքարի շարժական կլինիկա

Մեր երկրում 1988 թվականից մինչև հիմա ՄԻԱՎ/ՁԻԱՀ-ից մահվան 558 դեպք է գրանցվել։

Ռուսաստանի դեսպանի և փոխնախարարի հետ միասին ՄԱԿ-ի զարգացման ծրագրի մշտական ներկայացուցիչ Բրեդլի Բուզետոն շարժական կլինիկայում արյուն հանձնեց ՄԻԱՎ-ի ախտորոշման համար։

Գլխավոր թեմաներ