20:02 08 դեկտեմբերի 2016
Ուղիղ եթեր
Դպրոցականներ

Դպրոցներում դասերը չեն դադարեցվի

© Sputnik/ Игорь Зарембо
Հասարակություն
Ստանալ կարճ հղումը
2710

Հայաստանի առողջապահության նախարարությունը խորհուրդ է տալիս խուսափել գրիպանման երևույթներով հիվանդների հետ շփումից, հիվանդանալու դեպքում մնալ տանը, ԿԳՆ–ում էլ համարում են, որ դպրոցներում դասերը դադարեցնելու անհրաժեշտություն չկա։

ԵՐԵՎԱՆ, 2 դեկտեմբերի — Sputnik. Հայաստանի կրթության և գիտության նախարար Լևոն Մկրտչյանը, պատասխանելով լրագրողներին հարցերին, նշեց, որ հիվանդ երեխաների թվի նվազման միտում կա, ուստի ամենևին էլ դասապրոցեսն ընդհատելու անհրաժեշտություն չկա։

«Դասապրոցեսը դադարեցվում է միայն առողջապահության նախարարության համապատասխան որոշմամբ, այսինքն` մենք պետք է նրանցից ահազանգը ստանանք, որ վիրուսի աճման միտում կա, որից հետո միայն որոշում կայացվի: Հիմա բոլոր այն դպրոցներում, որտեղ հիվանդ երեխաների թիվը գերազանցում է 15 տոկոսը, կատարում ենք պրոֆիլակտիկ գործողություններ», — ասաց Մկրտչյանը։

Նախարարը նշեց, որ երեկ է խոսել առողջապահության նախարարի հետ, և նա տեղեկացրել է, որ հիվանդ երեխաների թվի նվազման միտում կա, ուստի ամենևին էլ դասապրոցեսն ընդհատելու անհրաժեշտություն չկա:

Հայաստանի առողջապահության նախարարության վերջին տվյալներով` Իրականացված ամենօրյա մշտադիտարկման արդյունքների համաձայն` հանրապետությունում սուր շնչառական վարակներով հիվանդացության աճման միտում չի գրանցվել:

Կանխարգելիչ ֆիլտրման արդյունքում նվազման միտում է նկատվում սուր շնչառական վարակներով երեխաների հայտնաբերման գործընթացում, նվազել են նաև սուր շնչառական վարակներով պայմանավորված բացակայությունները:

Նվազել է նաև թոքաբորբերով հոսպիտալացումների թիվը և այսօրվա դրությամբ ծայրահեղ ծանր հիվանդներ, պայմանավորված հետգրիպային բարդություններով, չեն հոսպիտալացվել: Նոյեմբերից սկսած հանրապետությունում իրականացվել են լաբորատոր հետազոտություններ, որոնց տվյալներով մեր երկրում հիմնականում շրջանառում է գրիպի Ա H3 ենթատեսակը: Ա տեսակի H3 ենթատեսակը շրջանառում է նաև եվրոպական տարածաշրջանի երկրներում, այդ թվում՝ Վրաստանում, Ռուսաստանի Դաշնությունում, Ուկրաինայում և այլն:

Գլխավոր թեմաներ