ԵՐԵՎԱՆ, 2 հունվարի — Sputnik. Երևանում՝ «Բարեկամություն» հյուրանոցի համարներից մեկում, հայտնաբերվել է 45-ամյա Վիկտոր Ե.-ի դիակը, Sputnik Արմենիայի թղթակցին հայտնեց Հայաստանի ոստիկանության հասարակայնության հետ կապերի բաժնի ղեկավար Էդգար Ջանոյանը:
«Հունվարի 1-ին, ժամը 19:20-ին ոստիկանությունը զանգ է ստացել Շտապօգնության ջոկատից: «Բարեկամություն» հյուրանոցի սենյակներից մեկում հայտնաբերվել է 1972թ-ին ծնված Վիկտոր Ե.-ի դին: Նախնական եզրակացության համաձայն՝ նա հանկարծամահ է եղել:
Նշանակվել է դատաբժշկական փորձաքննություն: Մանրամասները պարզվում են», — ասաց Ջանոյանը:
Հայկական որոշ ԶԼՄ-ների համաձայն՝ հանգուցյալն աշխատում էր Հայաստանի ռուսական ռազմական բազայում, զբաղեցնում էր շտաբի պետի տեղակալի պաշտոնը, կոչումով մայոր էր: Ջանոյանը հրաժարվեց մեկնաբանել այդ տեղեկությունը՝ նշելով, որ տվյալ պահին ասել է այն, ինչ կարող էր:
Նյութի ռուսերեն տարբերակը
