ԵՐԵՎԱՆ, 7 հունվարի — Sputnik. Հայ առաքելական եկեղեցին նախօրեին նշեց Սուրբ ծնունդը, իսկ այսօր՝ դեկտեմբերի 7-ին, Մեռելոց է՝ հանգուցյալների հիշատակին նվիրված օր:
Մեռելոցը հաջորդում է Հայ առաքելական եկեղեցու հինգ տաղավար տոներից յուրաքանչյուրին (Սուրբ ծնունդ, Սուրբ հարություն, Պայծառակերպություն (Վարդավառ), Աստվածածնի վերափոխման և Խաչվերաց)։
Այդ օրը եկեղեցիներում մատուցվում է Սուրբ պատարագ, կատարվում է հոգեհանգստյան կարգ, որից հետո մարդիկ այցելում են հանգուցյալների շիրիմներին:
Հայ առաքելական եկեղեցու Արարատյան հայրապետական թեմի պաշտոնական կայքում նշված է հունվարի 7-ի խորհուրդը. «Եթե հավատում ես Քրիստոսին, ապա հավատա և նրա խոստումին, որ հարություն է տալու բոլոր մարդկանց: Ուստի ողբ մի արա հանգուցյալներիդ համար, քանի որ դա կորուստ չէ, այլ՝ ժամանակավոր բաժանում նոր հանդիպման խոստումով:
Նյութի ռուսերեն տարբերակը
