ԵՐԵՎԱՆ, 14 դեկտեմբերի – Sputnik. «Ռուսաստանի հպարտություն» անվանակարգում հաղթող է ճանաչվել և Ռուսաստանի լավագույն մարզուհու կոչմանն արժանացել օլիմպիական կրկնակի չեմպիոն, սուսերամարտիկ Յանա Եգորյանը:
«Շնորհակալություն եմ հայտնում այս մրցանակի համար: Շնորհակալ եմ սպորտի նախարարությանը, սուսերամարտի ֆեդերացիային և ընտանիքիս, որի հետ հնարավոր ու անհնարին ամեն ինչ արել եմ օլիմպիական ոսկուն հասնելու համար», — ասել է Եգորյանը:
«Ռուսաստանի հպարտություն» մրցանակի հավակնորդներ էին նաև մարմնամարզիկներ Ալիա Մուստաֆինան և Մարգարիտա Մամունը:
