ԵՐԵՎԱՆ, 16 դեկտեմբերի — Sputnik. Հայտնի խորհրդային մարմնամարզուհի, սկավառակի նետում մարզաձևում օլիմպիական չեմպիոն Ֆաինա Մելնիկը մահացել է 71 տարեկան հասակում, հայտնում է Թեթև ատլետիկայի համառուսաստանյան ֆեդերացիայի պաշտոնական կայքը։
Մելնիկը ԽՍՀՄ հավաքականի կազմում օլիմպիական «ոսկի» է նվաճել Մյունխենում 1972 թվականին` արձանագրելով 66 մետր 62 սանտիմետր արդյունք, ինչն օլիմպիական ռեկորդ է։ Մելնիկը ելույթ է ունեցել սպարտակիադաների Հայաստանի անունից։ Նա հանդես է եկել «Սևանի» (Երևան) հայկական սպորտային միության կազմում, այնուհետև` «Սպարտակի» (Մոսկվա)։
«Թեթև ատլետիկայի համառուսաստանյան ֆեդերացիան խորը ցավակցություն է հայտնում Ֆաինա Մելնիկի հարազատներին, գործընկերներին և ընկերներին»,- գրված է հաղորդագրության մեջ։
Բացի այդ, նա Եվրոպայի կրկնակի չեմպիոն է և մի շարք համաշխարհային ռեկորդներ է սահմանել։ Մելնիկն առաջին կինն էր պատմության մեջ, որը նետեց սկավառակը 70 մետր հեռավորությունից ավելի։ Ֆաինա Մելնիկը նաև ԽՍՀՄ վաստակավոր մարզիչ էր։ Նրա ղեկավարության տակ են աշխատել Նատալիա Լիսովսկայան և Սվետլանա Կրիվելյովան։
